Accessibility links

дүшәмбе, 5 декабрь 2016, Казан вакыты 19:51

Çallıda mäçet cire satılğanmı?


"Zvezda Povolj'ye" gazetasınıñ bıyılğı 36 nçı sanında Tatarstannıñ Leninogorskiy şähäre möxtäsibätendäge bulğan waqiğalar da taswirlanıp, yazılıp çıqqan ide. Yazmanıñ töp eçtälege şuña qaytıp qala, Leninogorskiy şähäre citäkçeläre, Tatarstan möftie Ğosman xäzrät İsxaqi belän rayon möxtäsibe Rawil xäzrät Şakirovnı eşennän alırğa telilär ikän.Ä menä Rawil xäzrät urınına yalğan yullar belän Çallıdağı "Täwbä" mäçete imamı Mälik xäzrät İbrahimov bilgelände, digän yullar da bar älege yazmada. Çallı cämäğätçelege öçen Leninogorskiyda bulıp yatqan waqiğalar älläni iskitärlek bulmadı, kebek. Şulay da, ğazetnıñ şuşı yazmasında "iskärmä" digän närsä dä birelä häm din eşleklelärenä qarata şaqtıy sallı ğına ğäyepläwlär dä belderelä. Şul iskärmädän özeklär:

"Çallıdağı "Täwbä" mäçete imamı Mälik İbrahimov islamdağı kisken radikal' qaraşları belän bilgele şäxes. Säğud Gäräbstanında, Mädinä şähärendä uqığan çaqta Ämir- mö’min, yäğni Rusiä wahhabitlarınıñ başlığı itep bilgelänä. Küptän tügel genä şul mäğlüm buldı, Mälik İbrahimov başqaruçı, Älfäs xäzrät Çallı möxtäsibe bularaq, Ğosman xäzrät İsxaqi Tatarstan möftie bularaq Çallı şähäre üzägendäge 5гектар cirne araqı satılaçaq zur kibet tözeleşenä sattılar. Bu cirdä Çallınıñ baş mäçete bulırğa tieş ide." Özemtä tämam. Din eşleklelärenä qarata äytelgän älege süzlär cämäğätçelekne şaqtıy quzğatıp cibärde. Fikerlär ayırıldı, alar küp. Şulay da, "Azatlıq" xäbärçese berençe çiratta ğäyep taşlanuçılarğa möräcäğät itte. Şularnıñ berse, wahhabitlar başlığı dip tamğalanğan Mälik xäzrät İbrahimov älegä añlatma birüdä baş tarttı. "İzge Uraza ayında mondıy eşlär belän şöğellänäsem kilmi. Urazadan soñ alarğa citdi itep cawap biräçäkmen,- dide Mälik xäzrät. Çallı möxtäsibe Älfäs xäzrät Ğayfullin da şundıyraq fikerdä, läkin, çitlätep kenä bulsa da, berqädär süzlären äytte:

"Ramazan ayında da, başqa waqıtta da ber - berebezgä pıçraq atudan, yala yagudan tıyılıp torsaq ide. Ber- berebezgä xörmätle bulıyq, aqıl belän eş itik. Ğäybätlärgä bäyä birü qıyın, Allahı Täğälä üze birer bäyäne. Uraza ayınnan soñ älege wäzğıätkä açıqlıq kerterbez, dip uylıym."

Gazetada "Mäçet ciren satuda qatnaşı bar dip kürsätelgän Çallı möxtäsibe Älfäs xäzrät fikerläre ide. Şunısın da iskärtmim, cire satılğan dip farazlanğan Cämiğ mäçete tözeleşe 1992 nçe yılda başlanıp, monnan 10 yıl çaması elek tuqtaldı.

Ğafiulla Ğaziz, Çallı

XS
SM
MD
LG