Accessibility links

җомга, 9 декабрь 2016, Казан вакыты 04:55

Respublika köne bäyräme


11 nçe üktäber başqortstanlılar Respublika könen bilgeläde. Başqortstannıñ Däwlät möstäqillege turında deklaratsiä qabul itelügä 16 yıl tuldı. Bäyräm uñayınnan tantanalı utırış 10 üktäber uzğan ide. Şul uq könne başqort-urıs duslığın gäwdäländergän Duslıq monumentına çäçäklär saldılar. 11 üktäber törle bina-qorılmalar açu häm bäyräm çaraları uzdı.

Salawat Yulaev häm Mendeleev uramnarı kiseşkän urında küper açu, 21 nçe xastaxanädä operatsiä blogı, Sipaylovo bistäsendä maşinalar quyu urını häm kibet açu çaraları uzdı. Alarnıñ barsında da respublika Prezidentı Mortaza Räximov ta qatnaştı. Ul şulay uq Ufa “Nur” tatar däwlät teatrınıñ zur zalın tözü eşläre belän tanıştı. Bıyıl teatrğa 20 000 sum aqça bülengän, şunıñ 8 000 genä üzläşterelgän. Şuña östäp tawış häm yaqtırtu cihazları alu öçen respublika qaznasınnan million yarım sum aqça bülengän. Prezident problemalar yuq, barı tik aqçanı maqsatqa yaraşlı totınırğa ğına kiräk dip belderde.

Başqalanıñ Ordjonikidze rayonında ,“Siña, minem respublikam!”, Qalinin rayonında “Çäçkä at, Başqortstanım!” Dim rayonında “Sine cırlıym, Başqortstan!” isemle çaralar uzdı.

Ufadağı bäyräm salyut belän tämamlandı. Bıyıl ul berençe tapqır ike urında oyıştırılğan ide.

Respublika köne bäyräme rayon häm şähärlärdä, awıl-qasabalarda da uzdı. At-sport respublika bäyräme İleş rayonında uzdı. Respublika çarasınıñ rayonda uzuı Ufadağı “Aqbuzat” ippodromın tözü eşläre belän bäyle.

XS
SM
MD
LG