Accessibility links

дүшәмбе, 5 декабрь 2016, Казан вакыты 17:42

Putinnıñ Politkovskaya turında süzenä qänäğätsezlek


Rusiä prezidentı Vladimir Putinnıñ Anna Politkovskayanı üterü turında äytkän süzlärenä küpçelek xoquq yaqlawçılarnıñ, cämäğät eşlekleläreneñ häm jurnalistlarnıñ açuı kilgän. Sişämbe könne Drezdenda çığış yasağan waqıtta Putin, “Politkovskayanıñ säyäsi tormışqa yoğıntısı yuq diärlek ide”, dide häm şul uq waqıtta, “basılğan mäqälälärenä qarağanda, anıñ üleme Rusiägä häm xäzerge xakimiatkä zur zıyan kiterde”, dip äytte. Putinnıñ bu süzläre 7 üktäberdä bulğan cinayätkä, berençe tapqır üz fikeren belderüe ide.

Çeçnyänıñ premer-ministrı Ramzan Qadırov, Politkovskaya anıñ turında yazğan tänqıydi mäqälälär arqasında üterelde digän imeş-mimeşlärgä: “Anna Politkovskaya, äti turında naçar yazğanda, ul waqıtta anı mäxkämägä birergä, alış-bireşlär oyıştırırğa mömkin bulır ide. Ä çeçennar xatın-qızlar belän waqlanıp tormıy. Anna Politkovskayanıñ ülemen quşuçılar mine- Qadırovnı tağın ber tapqır qaraltırğa tırıştılar. Min xatın-qızlarnı ber qayçan da ütermim häm ütergänem dä bulmadı”,-dide.

Anna Politkovskaya sişämbe könne Mäskäwneñ Troyıkurovskiy zıyaratında cirlände.

XS
SM
MD
LG