Accessibility links

Кайнар хәбәр

Röstäm Miñnexanov Qazaxstanda


Comğa könne Premyer-ministrı Röstäm Miñnexanov Qazaxstan Respublikasınıñ Kükçätäu şähärendä Qazaxstannıñ Premyer-ministrı Danial Äxmätov belän oçraştı. İke respublika Xökümäteneñ urtaq kiñäşmäsendä süz närsä turında barğanın “Azatlıq” radiosına premyer –ministr yärdämçese İskändär Möflixanov xäbär itte.

“Kiñäşmädä töp öç mäs'älä qaraldı. Monıñ berençese, maşina citeşterü ölkäsendä xezmättäşlek. Bilgele bulğança bügenge köndä Qazaxstanda "KAMAZ-İnjiniring" dip atalğan urtaq oyışma, avtomobil' texnikasın citeşterü ölkäsendä Rusiä häm Qazaxstannıñ iñ berençe häm külämle proyektlarınnan berse bulıp sanala. Xäzerge waqıtta urında kamazlarnı cıyu häm tieşle cirlärgä ozatu buyınça zur ğına alğa kiteşlär kötelä. Tözeleş, yañartu eşläre bara. Qazan xakimiäte Boralaq şirkäte belän urtaq oyışmabız belän dä qızıqsınalar. Kiläçäktä Aqtay, Ansat Mi boralaqlarnı tözätü buyınça keçeräk cıyu sexın buldıru da kötelä. Uñay alğa kiteşlär, fikerläşerlek äyberlär citärlek, çönki ike yaqtan da qızıqsınu bar.”

Gölnaz Şäyxetdin

XS
SM
MD
LG