Bağdad -- Ğiraqtan kilgän xäbärlärgä qarağanda soñğı ike köndä bulğan köç qullanular näticäsendä 70tän artıq keşe ülgän. Bağdadtan tönyaqqa taba Balad qalasında 46 sönni üterelgän. Xakimiätlär monı şiğilärneñ üç ğämäle dip sanıy. Comğa könne bu qalada başları kiselgän 17 şiği mäyete tabılğan ide. İlneñ tönyağında, Mosul häm Kirkuk şähärlärendä bulğan höcümnär näticäsendä 13 keşe häläk bulğan. Tağın 7 keşe Bağdadta maşinağa quyılğan bomba şartlaw näticäsendä ülgän. Şartlaw Eçke eşlär ministrı barğan yulda bulğan. Ministrğa zıyan kilmägän.
