Accessibility links

якшәмбе, 4 декабрь 2016, Казан вакыты 17:27

Niçek açıla – şulay yabıla


Başqortstan Prezidentı tarafınnan açılğan qayber qorılmalar kire yabıla. 9 üktäber Respublika köne bäyräme aldınnan Tuymazıda ber qorılma açılğan ide. Süz timer yulı astınnan maşinalar ütü öçen yasalğan yul turında bara. Prezident anı açıp kitü belän yabıp quyğannar . Çönki ul tulısınça tözelep betmägän bulğan.

11 nçe üktäber Respublika köne bäyrämendä Ufanıñ Mendeleev—Salawat Yulaev uramnarı çatında küper açılğan ide. Açıluınıñ ikençe könendä ük anı kire yabıp quyğan idelär. Bäysez mäğlümat çaraları bu xaqta quyırta başlağaç anı kire açtılar. Respublikada ber açılğan bina-qorılmalarnı qat-qat açu da traditsiägä kerep bara. Mäsälän, Lalä-Tyul'pan mäçete räsmi ike tapqır, Ufa “Nur” tatar däwlät drama teatrın räsmi öç tapqır açqan idelär.

İnternetnıñ “Regnum” mäğlümat agentlığı Başqortstannıñ Rusiägä üz irege belän quşıluın bäyräm itü uñayınnan açılaçaq bina-qorılmalarnıñ qotoçmalı zur tizlektä tözelüe uñayınnan borçılu belderä.

XS
SM
MD
LG