Accessibility links

пәнҗешәмбе, 8 декабрь 2016, Казан вакыты 11:03

Çallıda häm Tübän Kamada xäter könnäre


Çallıda, Qazannı saqlawçılar ruxın iskä alu köne buyınça törle cämğiät-oyışmalar tarafınnan berqädär söyläşü-bäxäslär bulıp aldı. Qayberäwlär, xäter könen 14нче oktäberdä ütkärik tä, 15нче oktäberdä kümäkläşep Qazanğa barırbız, disä, başqaları, Qazanda xäter köne bolay da uza, 15 könne Çallıda ütkärik, diep qarşı töştelär. Şulay itep, xäter köneneñ töp çarası yäkşämbe buldı. Ä menä Tübän Qama şähäre TİÜ Xäter çarasın 14 ütktyabr'dä uzdırdı. "Azatlıq" xäbärçese älege üzäkneñ räise Xälil Äyupovtan miting-piket xaqında şuşı mäğlümatlarnı aldı.

X.Äyupov äytüençä, mitingta tarixi waqiğalar belän bügenge wäzğıät bäylänep barğan. Biredä berniçä maddädän torğan belderü dä qabul itelgän:

- Xäter köne däwlät külämendä ütkärelsen.

- Rusiädä İslamğa qarşı basım köçäyä häm monıñ alğa taba qurqınıç wäzğıät tudıru ixtimalı bar.

- Tatar telenä bügen qurqınıç yanıy Moña yul quymıyq.

- Qazannı saqlawçılar istälegenä başqalada häykäl salunı tizlätergä.

- Tübän Qamada Musa Cälilgä häykäl quyu eşen başlarğa.

Tübän Qamalarnıñ taläbe şundıy.

İctimaği üzäk räise Xälil Äyupovtan xäter köne çaralarına xoquq saqlaw oyışmalarınıñ mönäsäbäte belän qızıqsınam. Çönki, 14 oktäber könne Çallı TİÜ räise R.Kaşapov, Qazanğa, xäter könenä barğan cirendä, avtovokzalda qulğa alınıp, 3-4 säğät xoquq saqlawçılar ixtiarında bula. Tübän Qamadağı xäter könendä dä militsiä qulı sizelgän. Xälil Äyupov:

"Bilgele, bezneñ belän dä xoquq saqçıları eş alıp bardılar. Törle basım yasawlar buldı. Miting ütkärü öçen bez sorağan urınnı birmädelär. Şunlıqtan mitingnıñ bulu- bulmawı soñğı köngä qädär soraw astında buldı."

Çallıda yäkşämbe könne säğät 11- 12 qädär, 80 yaqın keşe qatnaşında piket uzdı. Xäyer, piketqa alıp çıqqan şiğar- öndämälärne tuqtap, uqıp kitüçelär sanı şaqtıy kübräk ide. Bıyılğı xäter köne Çallıda nindiräk öndämä, taläplär astında ütä soñ? Piketnı oyıştıruçılar - Milli mäcles deputatı Faiq Taciev häm "Azatlıq" tatar yäşläre berlege räise Damir Şäyxetdinov "Azatlıq" radiosına bolay didelär:

- Töp taläp, tatarnıñ däwlätçelegen torğızu.

-Rus natsizmına qarşı köräş.

-Gruzinnarğa qarşı çäbälänüne tuqtatırğa.

-1992 yılğı referendum näticälären tormışqa aşırırğa.

-Mäktäplärdä xristian dine däreslären uqıta başlaw 1552 yıl waqiğalarına awazdaş.

Ğafiulla Ğaziz , Çallı

XS
SM
MD
LG