Accessibility links

шимбә, 10 декабрь 2016, Казан вакыты 15:42

Çallıda alman professorı


Bu könnärdä Qazan Däwlät universitetınıñ Çallı filialı studentları öçen Almaniä professorı Armin Bonet leksiälär uqıy. Armin äfände Gissen universitetı professorı, iqtisat fännäre doktorı. Ul şulay uq Qazan, Şanxay universitetlarınıñ şäräfle professorı. Almaniä qunağı Çallıda şaqtıy qızıqlı ğına çara ütkärde- jurnalistlar qatnaşında şähär studentlarına leksiä uqıdı häm sorawlarğa cawaplar birde. Armin Bonet äytüençä, ul 1969 yıldan birle dönyanıñ törle illärendä bazar iqtisatın öyränü belän mäşgül'. 1970-1980 yıllardağı Sovetlar Soyuzınıñ planlı ekonomiäse anı qızıqsındırmağan häm ul, bu yıllarda Qıtay iqtisatı qızıqlıraq ide, dip sanıy. SSSR xakimiätenä M.Gorbaçev kilgäç, Sovetlar tağın qızıqsınu uyattı, di. Bonet fikerençä, küçeş çorında Rusiä iqtisatın añlawı qıyın bulğan. Ul, 500 kön programmasın berençe adım buldı häm anı uñışsız dip bäyäli. Xosusıylaştıru programması da töptän uylanmağan ide, di. Anıñ fikerençä, soñğı yıllarda Rusiä iqtisatı alğarış yulında. Professor fikerençä, ikençe bötendönya suğışınnan soñ, 1990 yıllarda Almaniäne berläşterü kebek täcribälärneñ uñay yaqların Rusiädä ürnäk itep alırğa mömkin. Läkin, mentalitet törle. Rusiä 70 yıl sotsializmda yäşäde. Oçraşunıñ soraw- cawap öleşendä auditoriäne ike il studentları arasındağı ayırımlıqlar qızıqsındırdı. Professor, Rusiä student qızlarınıñ üzlären cälep itärlek kienülären, läkin çit tellärne belmäwlären kürsätte. Alman studentları ingliz telen tiränten öyränälär. Eşne dä üzläre tabalar dide.

"Azatlıq" xäbärçese mondıy soraw birde:

- Rusiä iqtisatında Tatarstannıñ role nindi?

A.Bonitnıñ cawabı mondıy:

-"Tatarstan üzençälekle, bay region. Neft' aqçasınıñ ber öleşe monda qala. Bu aña berqädär bäysez bulırğa yärdäm itä. Şunısı ğäcäp, Tatarstannıñ awıl xucalığında bazar iqtisatı sizelmi, monda planlı iqtisat. Minem belüemçä, bu tarmaqta xosusıylaştıru eşe dä alıp barılmıy.”

Çallı, Ğafiulla Ğaziz

XS
SM
MD
LG