Accessibility links

җомга, 9 декабрь 2016, Казан вакыты 03:06

Firqälär tartqalaşa


Rusiädäge “Watan”, Pensionerlar häm Tormış firqäläre berläşüläre turında beldergän idelär. Ufada öç firqä bülekçäläre älege mäsälädä urtaq fikergä kilä almadı. Qarşılıq Tormış firqäse bülekçäsendä çıqtı. Firqa räise Vyaçeslav Kvyat säyäsi Şura utırışınnan tarafdarları belän çığıp kitte. Utırışta qatnaşqan 26 delegatnıñ 8e çığıp kitü belän qalğannar yaña baş saylap eşne däwam itte. Yaña räis itep cirle parlament deputatı Fänil Tayıpov saylandı. İske räis üzen wäqälätle sanıy häm yaqın könnärdä säyäsi şura utırışı cıyaçağın belderde. Yaña saylanğan baş isä üzen wäqälätle dip sanap, 28 üktäber Mäskäwdä bulaçaq qorıltayğa deleğätlar törkemeneñ citäkçese bulıp barırğa cıyına. Bäysez çığanaqlar bu qarşılıqlarnı xakimiät belän bäyläp añlata. Aña qarağanda, respublik türäläre berläşkän xääräkät başı itep “Watan” yäki Pensionerlar firqäläre başların kürergä teli.

XS
SM
MD
LG