Accessibility links

якшәмбе, 4 декабрь 2016, Казан вакыты 13:25

Olmert Putin belän oçraştı


İzrail premer-ministrı Ehud Olmert Mäskäwdä Rusiä prezidentı Vladimir Putin belän oçraştı. Alar arasında süz İran häm Tönyaq Koreanıñ atom-töş programması häm şulay uq yaqın könçığıştağı wäzğeyätne cayğa salu turında buldı.

Olmert Mäskäwgä İzrail häm Rusiä arasındağı diplomatík mönäsäbätlärneñ qabat urnaşuına 15 yıl tulu uñayınnan kilde. Rusiä prezidentı bu waqıyğa uñayınnan: “Soñğı yıllarda İzrail belän Rusiä arasındağı mönäsäbätlär bötenläy başqa sıyfat aldı. Alar ışanıçlıraq bula başladı. Bezneñ andağı watandaşlarğa mönäsäbät tamırdan üzgärde. Bez alarnı Rusiädän häm elekke Sovetlar Berlegennän İzraildä daimi toru öçen kitkän watandaşlarıbız dip sanıybız”,- dide.

XS
SM
MD
LG