Accessibility links

пәнҗешәмбе, 8 декабрь 2016, Казан вакыты 03:18

İzrail watandaşları Rawil xäzrättän yärdäm sorıy


Rusiä prezidentı İzrail premier-ministrı Exud Olmert belen oçraşqan waqıtta, Rusiäneñ möftilär şurası räise Rawil xäzrät Gaynetdingä, Rusiäneñ baş ravvinı üteneçe belän, İzrail watandaşları Malka häm Şloma Golvasserlar möräcäğät itkän. Alar üzläreneñ üteneçendä, Xizballada äsirlektä bulğan ullarınıñ yazmışların beleşüne ütengännär. Bu xaqta 18 üktäber könne İzrail watandaşları belän Rawil Gaynetdin Mäskäwneñ dini idaräsendä oçraşqan. Alar Rawil xäzrätkä möräcäğät itep, bez sezdän ulıbız Exudne azat itärgä yärdäm itärgä dip tä soramıybız. Barı tik anıñ isänlek xäbären genä beläsebez kilä. Bälki sez, bezneñ qayğını añlap, üz tarafığızdan bu eştä yärdäm qulı suzarsız, dip ütengännär.

Rawil xäzrät Gaynetdin, älbättä bala härkemgä dä qäderle, min üzem dä keşe bularaq anı beläm, läkin suğışnı säyäsätçelär başlıy, alar üzara kileşep, urtaq fikergä kilmi torıp, ul suğış däwam itäçäk. Ä inde islam dönyasında äsirlärne tınıçlıq urnaşqaç qaytaralar. Min dä äsirlektäge Exud isemle soldatnıñ äti änilärenä häm alar belän bergä kilgän anıñ xatınına ömetlären yuğaltmasqa soradım, dide. Ä inde, sez bu taraftan niçek yärdäm itä alasız digäç, Rawil xäzrät: “Bez üzebezneñ kanallar belän, xäbärläşep, ni bulsa da belergä tırışalaçaqbız. Min ul äsirlärne isännärder dip ışanam “ dip belderde.

Näzifä Kärimova, Mäskäw

XS
SM
MD
LG