Accessibility links

җомга, 9 декабрь 2016, Казан вакыты 07:02

Mostay Kärim isemendä stipendiä tapşırıldı


Başqortostan bildäle äźip, xalıq şağirı Mostay Kärimde iśkä ala. Başqort äźäbiäte aqhaqalı Mostafa Safa ulı Kärimovtıñ tıuıuına 87 yıl. Äźip bıltır 86 yäşendä wafat bulğaynı. Başqortostanda xalıq şağirınıñ isemen mäñgeläştereü buyınsa küp eştär başqarıla. Prezident Mortaza Räximov uqazı buyınsa Milli yäştär teatrına Mostay Kärim iseme birelde, Öföläge Sotsialistar uramı la xalıq şağirınıñ iseme menän atala başlanı. Bögön Mostay Kärim yäşägän yortqa iśtälekle taqtataş quyıldı, şulay uq äźip xäteren mäñgeläştereü buyınsa buldırılğan stipendiyalar tapşırıldı. Mostay Kärim isemendäge stipendiya başqort däülät uniwersitetınıñ yaqşı uqığan häm yämäğät eştärendä äüźem bulğan studenttarına birelä. Täüge permiyağa Başqort filoloğiyahı faqultetınan yäş şağir Almas Şammas menän tatar filolgiyahı faqultetınan İrina İsmäğilewa layıq buldı. Azatlıq radiohı xäbärsehe İrina atlı hılıuğa şıltıratıp unı Mostay Kärim isemendäge premiyanıñ täüge laureatı bulıuı menän qotlanı. İrina ihä bik şat bulıuın, stipendiyanıñ fängä höyöüen därtländereüen äytte.

“Min bik şatmın, bulasaq ğalimdarźı şulay ixtiram iteüźäre ösön. Stipendiyanıñ isemnän tış, matdi yağı la bar. Fän menän şöğöllönäüselärźe därtländereü ösön bik yaqşı ul”.

İrina – tatar qıźı. Ul Saqmağoşta tıuıp üśkän. Başqort-tatar körsögö xaqında ul işetergä lä telämäy. Duś-äxirättäre arahında ike millät yäştäre lä küp ikän. Tik Mostay ijadın ul tulıhınsa belep bötmäy ikän. Bala sağında tatar telendä ijad itelgändären genä uqığan.

"Başqortostanda törlö millättär tatıu yäşäy. Tatar qıźına başqort şağirı isemendäge stipendiya tapşırılıuı la ğäźäti. Mostay kärimdeñ Oźon-oźaq bala saq, beźźeñ öyźöñ yäme keüek äśärźären bala sağımda uqığaynım."

XS
SM
MD
LG