Accessibility links

шимбә, 10 декабрь 2016, Казан вакыты 23:35

Qäder kiçäse möbaräk bulsın!


Menä inde 26 kön m’ömin-möselman qärdäşlär tañ atqançı säxär aşap qoyaş bayığançığa qädär izge teläktä bulıp uraza totalar. Bu izge ğämällär qılğanda barsına da Allahnıñ rizalığı belän dip niät qılına. Allahnıñ rizalığı belän awız açıla häm tärwix namazları uqıla. İslam dine täğlimätläre buyınça, Allahı täğälä tarafınnan Ramazan Şärif ayı öçkä bülengän. Anıñ ike bülege ütte, menä öçençe un könlekkä dä kilep cittek. Bu soñğı könnärneñ nindi zur ähämiätkä iä buluın İslam dinendä buluçı millättäşlärebez yaxşı belä. Ul da bulsa, bu könnärne bersendä Qäder kiçe bula. Qol Şärif mäçetennän Röstäm xäzrät Bakirov söyli: - Päygambärebez Möxämmät (s.g.v) Qäder kiçäse turında bezgä äytte häm Allahı täğälä üze dä “Qäder” digän süräne iñderde. Menä şuşı Qäder kiçäsen päygambärebez (s.g.v) Ramazan ayınıñ soñğı un köneneñ taq tönnärendä ezlägez dide. Tögäl köne bilgele tügel. Qayber riwayätlärdä Ramazannıñ yegerme cidençe tönendä bulğan digän süzlär bar. Qol Şärif mäçetendä 19 oktäberdän 20 oktäbergä qarşı töndä bez täräwix namazlarınnan soñ, xörmät yözennän täsbix namazları uqbız. Röstäm xäzrät äytüençä, Allahı täğälä Qorъni kärimdä;“Qader kiçäseneñ töne ber meñ aydan da, yaxşıraqtır, sawaplıraqtır”- digän. Ber meñ ay ul 83 yıl ikän, 83 yıl ul ber ozın ğömerle keşeneñ yäşe. Röstäm xäzrät däwam itä; - Yäki ber namaz uqısa, 83 yıl namaz uqığan äcer sawapnı alaçaq, inşalla. Bu könne İman kälimäse äytsäk, 83 yıl äytkän kebek sawap yazılır, Alla boyırsa. Bu Qazannıñ Qol Şärif mäçete xäzrätläreneñ berse buldı. Tatarstannıñ Qazannan çittäge rayon-awıllarındağı millättäşlär dä bu izge kiç turında bik yaxşı belälär. Alarğa äti-äniläre, äbi-babayları belgertkän, öyrätkän. Xäzer ul keşelär üzläre äbi-babaylar bulıp betkännär inde. Bez Balıq bistäse rayonı Küki awılınnan Mädinä abıstay belän bez telefon aşa Ramazan ayındağı qäder kiçäse turında söyläşep aldıq. Menä ul bezgä närsälär söyläde: - Salqın kön bulsa, bik salqın bulmıy. Annarı cil ismäs di ul, Qäder kiçeneñ bilgeläre. Hawada bolıtlar bulmas, etlär örmäs. Bu küreneşlärne kürergä bula. Menä bıyıl bez 16-17 buldımı mällä dip yöribez. Bu könnärdä cil. Ul könnärne köne-töne tınıç, matur ide. Bez bala çaqta Qäder kiçäse zurlap bilgelänelep ütte. Xatın-qızlar awıl abıstaylarınıñ öylärendä tönge 11-12гә qädär doğa uqıp, teläklär teläp, kitap süzlären tıñlap utırdılar. Sez Balıq bistäse rayonı Küki awılınnan Mädinä abıstaynı işettegez. Qäder kiçläre möbaräk bulsın xörmätle m’ömin-möselman qärdäşlär! Allahı täğälä, sezneñ dä bezneñ dä qılğan izge ğämällärebezne qabul qılsın. Röstäm İsxaqi

XS
SM
MD
LG