Premier kilähe atna bildäle bulaçaq

Däülät Yıyılışı-Qoroltayźıñ 26 üktäbergä täğäyenlängän ultırışında töp mäsälä – Başqortostandıñ kilähe yıl qaźnahı xaqındağı qanun proektı, bıyılğı qanun ütäleşe, ğömümän, finastarğa bäyle xäldär. Bılarźan tış Respubliqa premer-ministrı xaqındağı xoquq aqtı la qaralasaq. Mäğlüm bulıuınsa prezident Mortaza Räximov Rafael Baydäülätovtıñ kandidaturahın premer-ministr itep raślau ösön Qoroltayğa täqdim itkäyne. Säyäsi dairälärźäge mäğlümättär buyınsa, Rafael Baydäülätov artaban da xökümät räyese bulıp qalasaq. Ä bına ministrźar kabinetında baytaq üźgäreştär bulıuı ixtimal. Bınıhı 26 üktäberźä Rafael Baydäülätov iśke yañı premier itep haylanğandan huñ, ministrźar kabinetın yañınan oyoştorğandan huñ anığıraq kürenäsäk inde. Premer üź wäkälätären ütäy başlağas, kabinetta portfel büleşü başlanasaq. Mortaza Räximov yañı kabinet xaqında üź fekeren belderep, iqtisad bloğında qadrźar almaşıuı bik mömkin tigäyne. İśke ministrźar kabinetında 22 keşe ine. Ularźıñ 2-he Öfö qalahı xakime Pavel Kaçkaev menän Başinformsvyaz yämğiäte etäksehe Salauat Ğaysin ğına ministr qänäfienä eyä tügel. Xökümät räyeseneñ 7 urınbaśarı bar. Ular här qayhıhı ayırım ber eşmäkärlek ölkähe ösön yauap birä. Aq yortqa yaqın dairälärźän işetelep qalğan xäbärźärgä qarağanda, mäğarif ministrı menän xäl añlaşıla, uğa yañı qabinetta urın bulmayasaq. Ä bına mäźäniät, milli säyäsät, şulay uq töźölöş ösön yauaplı wedomstvolar etäkselege buyınsa mäsälä älegä anıq qına tügel ikän.

Aldan äyteleüensä, parlamentta qaźna qaralasaq. Ul kilähe yılda la bıyılğıhı keüek defitsit menän qabul itelä. Sığımdar kilemdärźän 5 milliard humğa artığıraq. Tik qaźna qanunın äźerläüselär ışandırıuınsa, qaźna sotsial yünäleşle bulasaq, iqtisadi üśeş defitsittı la bötörörgä, sotsial saralarźı tormoşqa aşırıuğa la bulışlıq itäsäk. 2007 yılda Başqortostanda 450 yıllıq bayram torouın iśäpkä alğanda, federal üźäk nindäyźer summa biräsäge bildäle. Qaźna defitsitın yamauğa ber ni tiklem bulışlıqtı ul itäsäk inde.