Accessibility links

якшәмбе, 4 декабрь 2016, Казан вакыты 15:16

Sara Sadıyqova tuuğa 100 yıl tuluğa bağışlanğan çaralar başlana


Tatarstanda berençe xatın-qız kompozitor Sara Sadıyqovanıñ tuuına 1 noyäberdä 100 yıl tula. Kiñ cämäğätçelek bu könne anıñ qäberenä barıp çäçäklär sala, anı härçaq iskä ala. Anıñ icatına bağışlanğan töbäk-ara festival ütkärelä. Ämma başqa yıllarğa qarağanda bıyıl Sara Sadıyqovanıñ 100 yıllığı uñayınnan anıñ istälegenä bağışlanğan çaralar respublikada monıñ belän genä çiklänmi. Bıyıl Sara Sadıyqova istälegenä bağışlanğan çaralar Tatarstan däwläte tarafınnan da bik mul qaralğan. Tatarstannıñ atqazanğan häm xalıq artistkası, Rusiäneñ atqazanğan sänğät eşleklese, Tuqay isemendäge Däwlät büläge iäse isemnärenä layıq bulğan Sara Sadıyqovanıñ 100 yıllığın bäyräm itü TR ministrlar kabinetı boyırığı nigezendä oyıştırıla. Sara Sadıyqovağa häykäl quyılaçaq, aña bağışlap kitap çığarılıp kilä. Häm anıñ äsärläre basılğan cıyıntığı da dönya küräçäk. Bıyıl berençe tapqır mädäniät ministrlığı tarafınnan respublika buyınça festival ütkärelä.

Sara Sadıyqova ul - tatar xalqınıñ talantlı qızı, anıñ böten ğömere häm icat eşçänlege tatar muzıka sänğäten formalaştıru häm üsterü belän bäyle. Anıñ äsärlären işetmägän, belmägän tatar keşese yuqtır. Ä anıñ iñ populyar bulğan cırı “Cidegän çişmä”. Muzıka qoralları yärdämendä çişmä ağışın, anıñ moñın işettergän “Cidegän çişmä” köye, keşe küñelendä, bigräk tä tatar küñelendä anıñ iñ tirän yatqan qılların tabıp çirtmi qalmıy. Şunıñ öçen dä inde aña häykäl yasawçı sınçı Sara Sadıyqovanı çişmä buyında itep taswirlağan. Şulay uq anda “Cidegän çişmä” cırınıñ köye yañğırap toraçaq ikän. Bu häykäl Qazannıñ İske tatar bistäsendä Ğ.Tuqay muzeyı yanında bıyıl açılaçaq. 1 noyäbergä citeşmäsä, soñraq bulaçaq, - dide Sara Sadıyqova fondınıñ citäkçese Äzhär Xösäyenov.

Bıyıl Sara Sadıyqovanıñ tuuına 100 yıl tula. Şuşı yubiley uñayınnan Qazannıñ 4nçe gimnaziäsendä anıñ tuğan könenä bağışlap, arasında Sara Sadıyqovanıñ äsärlären başqaruçı uquçı balalar arasında Rusiä buyınça töbäk-ara festival uzaçaq. Ul bıyıl 3nçe tapqır ütkärelä. Festival 28 üktäberdä başlanaçaq. Ä anıñ Gala- konsertı bıyıl zurlap Qazan Tatar Yäş tamaşaçılar teatrı binasında uzaçaq. Festivalgä nindi balalar kiläçäk digän sorawğa Sara Sadıyqovanıñ qızı Älfiä apa Aydarskaya:

“ Talantlı sälätle balalarnı kötäbez . Bıyıl da uquçı cırçılar Mäskäwdän häm Peterburdan rayonnardan häm Qazannan kiläçäklär.”

Tatarstan xökümäte qararı nigezendä, Sara Sadıyqovanıñ 100 yıllığına bağışlanğan yubiley çaraları arasında, bıyıl ädäbiät häm sänğät yılında berençe tapqır cır festivale ütkärelä. Bu festivalneñ Gala konsertı 18 noyäberdä Çallı şähärendä uzaçaq. Ä bügenge könnärdä älege festival''neñ berençe turı respublikanıñ törle töbäklärendä bara. Mäsälän, Alabuğa şähärendä festivalneñ berençe turı 19 oktäber könenä bilgelängän. Festivalneñ Alabuğada niçek ütüe turında mädäniät ministrlığınıñ fänni- mädäni üzäge xezmätkäre, kompozitor Rif Ğataullin belän söyläşäbez.

“Sara Sadıykovanıñ xätta bez işetmägän cırların da bik matur itep başqarıp , şaqqattıruçı yäşlärebez barına bik quanabız” dide ul.

Sara Sadıyqovanıñ 100 yıllığına bağışlap äle anıñ äsärlärennän cıyıntıq ta äzerlänä. Anıñ turında istälekläre belän urtaqlaşqan şäxeslärneñ istälegen tuplağan kitap ta tizdän dönya küräçäk. Ä 22 dekaber könne anıñ istälegenä bağışlanğan zur tantanalı kiçäneñ Tatar opera häm balet teatrı binasında bulaçağı turında mädäniät ministrlığınıñ bülek mödire Zölfirä Salixova söyläde :

Sara Sadıyqovanıñ yöz yıllığına bağışlanğan tantanalı kiçä uzdıru da Respublikanıñ Simfonik orkestrı häm Däwlät cır häm biyü ansamble, Fol''klor ansamble çığışları qaralğan. Kiçädä ataqlı artistlar cırçılar, muzıkantlar qatnaşaçaq. Şulay uq “ Sania” operasınnan özek yañğırayaçaq, anı Razia Üzbäkova başqaraçaq. Sara Sadıyqova muzı kal'' komediälär avtorı bularaq ta tanılğan kompozitor. Anıñ üz çorında säxnäläşterelgän “Kiäwlär” “Mäxäbbät cırı” N.Cihanovnıñ “Qaçqın” häm “İldar” operalarında Räyxana, Sacidä, C.Fäyzineñ “Başmağım” muzıkal komediäsendä Särwär, Mozaffarovnıñ “Ğaliäbänu” operasında Ğaliäbänu häm başqalar bulaçaq.

Mälikä Basıyr

XS
SM
MD
LG