Accessibility links

җомга, 9 декабрь 2016, Казан вакыты 03:12

Londonda Tatarstan iqtisadı kürsätelä


Britania başqalasında Tatarstan investitsiälärenä bağışlanğan ike könlek täqdim itü çarası açıldı. Anda Tatarstan prezidentı Mintimer Şäymiev, Rusiä däwlät dumasınıñ berençe vitse-spikerı Oleg Morozov, Rusiäneñ ilçese Yuriy Fedotov häm Tatarstannan ministrlar, törle şirkät başlıqları da qatnaşa.

Çaranıñ berençe köne kürenekle şirkätlär “Tatneft”, “Qazanorgsintez”, “Nijnekamskineftexim”, “KamAZ” häm başqalarnıñ kürgäzmäläre belän tanışudan başlanğan. Annan soñ iqtisadıy xezmättäşlekkä bağışlanğan utırış ütkän.

Yewropanıñ tözekländerü häm üseş bankı prezidentı Jan Limer Tatarstan prezidentı Mintimer Şäymiev belän, 2007 yılnıñ mayında Qazanda bu bank wäkilläreneñ yıllıq oçraşuın oyıştıru turında söyläşkän. Bu çarada dönyanıñ törle illärennän yaqınça 3 meñ eşquar qatnaşır dip kötelä.

Şäymiev, forumnıñ berençe könendä “Fujitsu” şirkäte citäkçeläre belän dä oçraşıp, Tatarstanda yuğarı texnologiä tawarları citeşterüne buldırıp, alarnı çit illärgä satu yulları turında da söyläşte.

XS
SM
MD
LG