Accessibility links

шимбә, 3 декабрь 2016, Казан вакыты 05:37

Rice Seulda söyläşülär ütkärä


Quşma Ştatlar däwlät sekretare Codoleezza Rice Seulda, atom sınawı ütkärgän Tönyaq Koraeğa BMO çikläwlären kertü turında, söyläşülär alıp bara. Könyaq Koreanıñ tışqı eşlär ministrı Pan Gi Mun belän oçraşqannan soñ, Rice: “Quşma Ştatlar BMO İminlek Şurasınıñ Tönyaq Koreağa çikläwlär kertü rezolutsiäsen tulısınça xuplıy. Rezolutsiäneñ eçtälegendä Korea yarımutrawın atom-töşsez töbäk itü taläbe yata. Pxenyän üzenä yöklämälär alıp, ber nindi alşartlarsız söyläşülär östäle artına utırsa, aña iñ yaxşısı şul bulaçaq”,- dide.

Seulğa kilgänçe Rice Tokíoda buldı. Xäbärlärgä qarağanda Korea Xalıq Demokratik Respublikası yaña atom sınawlarına äzerlänä. Xalıq-ara cämäğätçelek Pxenyän atom-töş qoralın İranğa yäki “Äl-Qäidä”gä sata ala dip xäweflänä. Quşma Ştatlar prezidentı George Bush, bu xälne buldırmas öçen, AQŞ barsın da eşläyäçäk, dip belderde.

XS
SM
MD
LG