Accessibility links

шимбә, 3 декабрь 2016, Казан вакыты 05:34

Tatarstanda balalar atnalığı ütte


Ä sez Abdulla Alışnıñ kem ikänen beläsezme? Äz genä bulsa da? Mäsälän, anıñ şağir, balalar yazuçısı bulğanın häm geroylarça suğışta häläk buluın?

Xäyer, anıñ qädäre genä sezgä bolay da bilgele. Ä min tağın şunı da beläm: Alış äle – “Ser totmas ürdäk” äkiäte avtorı da. Çönki 16 oktäber könne qurçaq teatrında äkiätneñ säxnä variantın kürsättelär. Balalar kitabı atnalığı başlanğan labasa. Atnalıqlıñ berençe könendä “Yazuçılar berlege” Abdulla Alış isemendäge premiäne tapşırdı. Küläme bik zur bulmasa da, Alış isemenä häm lawreatlarğa iğtibar buldı.

Balalar yazuçısı Rawil Raxmanigä(Kukuşkinğa) balalar şiğerlären tikşergän kitabı häm tänqit eşçänlege öçen, ä “Yalqın” jurnalına Alış icatın propagandalau öçen premiälär tapşırıldı. Şunısı qızıqlı, Abdulla Alış premiäsen 1986 yılda Roza Tufitulova möxärrirlegendäge “Yalqın” oyıştırğan bulğan. “Yazuçılar berlege” anı 1996 yılda üzeneke itkän.

Balalar kitabı atnalığına äylänep qaytıyq. Atnalıq däwamında Yazuçılar şähär häm awıl mäktäplärendä oçraşularda buldı. Şul oçraşular barışında yazuçılar icatların propagandaladı, ä tatar mäktäpläre uquçıları berniçä säğät däwamında cinayätlär qılmadı, mäktäp artında kienmiçä tämäke tartmadı.

Comğa könne yazuçılar häm redaksiä xezmätkärläre Alışnıñ tuğan yaqlarına säyäxät qıldı. Qaysı yaqlarğa? Anısın da belmisezme? Ä mäktäp uquçıları, qayber yazuçılar balalar kitabı atnalığınnan soñ häm Alışnıñ tuğan könennän soñ belä. Ul Spas rayonı. Mäktäp uquçıları, bigräk tä awılnıqılar, yazuçılar belän oçraşular yışraq bulsın ide digän teläktä qaldı.

Aydar Camali

XS
SM
MD
LG