Accessibility links

якшәмбе, 11 декабрь 2016, Казан вакыты 07:20

Yewropa Berlegeneñ sammitı açıldı


Finlyändiäneñ Laxti şähärendä Yewropa Berlegeneñ sammitı açıldı. Anda Yewropa Berlegenä kergän 25 il häm Berlekkä nämzät Bolğarstan belän Romania başlıqları da qatnaşa. Samittnıñ kön tärtibendä Yewropada yağulıq iminlege häm Yewropa berlege belän Rusiäneñ yağulıq ölkäsendäge mönäsäbätläre qarala. Ayırım alğanda, Rusiädän yağulıq kiterü häm Yewropa şirkätläreneñ Rusiäneñ ğaz bazarına kerü yullarınıñ ışanıçlılığı tikşerelä.

Yewropa Komissiäse başlığı Jose Manuel Barroso sammit başlanır aldınnan: “Min üzem yağulıq problemaların artıq säyäsätläşterüne yalğış dip sanıym. Bez bu säyäsätläşüne çitlätep uzarğa tırışabız. Bu problemalarnı tikşergän waqıtta, çäçäk atuçı bazar iqtisadı öçen nigez bulğan açıq häm uzara xörmät prinsipları saqlanu ähämiätle”,- dide.

XS
SM
MD
LG