Accessibility links

пәнҗешәмбе, 8 декабрь 2016, Казан вакыты 03:11

Gruziä tışqı eşlär ministrı Putin süzlären kire qaqqan


Gruziä tışqı eşlär ministrı Gela Bejuaşvili, Rusiä prezidentı Vladimir Putinnıñ, Gruziä däwlät bötenlegen “köç qullanıp häm qan qoyıp” kire qaytarırğa cıyına digän süzlären tulısınça kire qaqqan. “Min ber qayçan şundıy böyek däwlätneñ prezidentı böten faktlarnı bozıp häm Yewropadağı xezmättäşlären yalğış fikergä etärep, alay cawap birer dip uylamağan idem. Gruziä xökemäteneñ dä, häm şulay uq Gruziä xalqınıñ da üzeneñ watandaşları belän bergä yäşäwçelärgä köç qullanırğa niäte yuq. Bez bu xaqta berençe tapqır ğına beldermibez. Moña qarşılıqlı raslawlar barı tik uydırma ğına. Häm Rusiä prezidentı bu xaqta belä, ämma xalıqara cämäğätçelekneñ eşneñ asılın töşenmi dip uylawnı xup kürä”,- dide Gruziä tışqı eşlär ministrı.

Bejuaşvili äytüençä, Tiflis Abxaziä häm Könyaq Osetiädäge nizağnı, Gruziä citäkçelege tarafınnan äzerlängän häm xalıqara oyışmalar xuplağan, tınıçlıq belän cayğa salu yulınnan bara.

XS
SM
MD
LG