Accessibility links

Кайнар хәбәр

Macarstanda baş kütärügä 50 yıl


Macarstan başqalası Budapeştta Sovet ğaskärläre tarafınnan räximsez räweştä bastırılğan baş kütärügä 50 yıl tulu bilgeläp ütelä. Kommunistlar rejimına häm Sovetlar berlege ğaskärläreneñ Macarstanda toruına qarşılıq belderep, 1956 yılnıñ 23 üktäberendä Budapeştta başlanğan uram yöreşe böten il buylap taralğan ide.

4 nöyäber könne Sovet ğaskärläre bu tüntäreleşne bastırğan waqıtta 2500 dän artıq keşe üterelde. Distä meñnärçä keşe törmälärgä yabıldı. Yözlärçä keşe cäzalandı.

Bu facigäneñ 50 yıllığı uñayınnan Macarstan başqalasınıñ qaharmannar mäydanında hälaq bulğannar istälegenä häykäl açıla. İskä alu çaralarında distälärçä il başlığı, Yewropa Komissiäse başlığı häm NATO general' sekretare dä qatnaşa.
XS
SM
MD
LG