Accessibility links

якшәмбе, 4 декабрь 2016, Казан вакыты 11:23

Peterburda da görcilärgä aw bara


Näq ber yıl elek Peterburgta “Millätlär yortı “ açılğan ide. Ul waqıtta “Millätlär yortı”nıñ baş belgeçe, bügen direktor urınbasarı İslam Gatin : “Millätlär yortı ”eşçänlegeneñ ber tarmağı, hiçşiksez, bälägä tarığan törle millät wäkillärenä yuridik, moral'' häm quldan kilgänçä matdi yärdäm kürsätü bulaçaq”, dip wäğdä itkän ide.

Gruziä- Rusiä mönäsäbätläre kiskenläşkäç, Peterburgta da görzilärne qısrıqlaw başlandı. Bu xaqta waqıtlı matbuğat bitlärendä dä materiallar küreneşterep tora. Görzilärneñ “Millätlär yortına” yärdäm sorap kilü-kilmäwläre belän qızıqsınıp İslam äfände Gatinğa möräcäğät ittem.(Ul :”Yärdäm sorap kilüçe bulmadı.Görcilär cämğiäte räise Boris Berulava belän aralaşıp torabız.Alar säyäsmännär kiterep çığarğan nizağnıñ säbäplären belälär, anıñ waqıtlı närsä ikänen añlıylar”,- dide)

Ä inde waqıtlı matbuğatqa küz salsañ, problemanıñ şaqtıy citdi ikänen añlıysıñ. Menä, mäsälän, “Moy rayon”gäzitendäge “Tyuremnaya jizn'' v ojidanii deportatsii” digän mäqälä. Anıñ avtorı Yuri Şulga yazğança, bu könnärdä görzilärne küpläp totqarlıylar häm raspredelitel''gä cibärälär, anda keşe yäşämäslek şartlarda totalar ikän. Zakon nigezendä pasportlarında Rusiä ştampı bulmağannnar ştraf belän genä qotıla alsalar da, ğämäldä alarnı deportatsiä kötä.

Eçke eşlär idäräse başlığı Piotrovskiynıñ 0215 nçe ämere menä şulay yañğırıy:”Provesti şirokomasştabnıye meropriätiä po maksimalnomu vıyavleniyu i deportatsii grajdan respubliki Gruziä, nezakonno prebıvayuşçix na territorii Rossii ”, yäğni registratsiäsez Gruziä watandaşların kübräk tabıp, illärenä ozatırğa. Yuri Şul''ğa , advokat Ol''ğa Seytlina süzlärenä nigezlänep, Zaxar''yevsqaya uramındağı raspredelitel''dä pasportları tärtiptä bulmağan BDB illäre keşeläre yartışar yıl keşe yäşämäslek şartlarda deportatsiä kötep utıralar, bügenge köndä monda başlıça görcilär, dip yaza. Laşa Argvliani utırğan kamera buyğa- 3, arqılığa 5 adım, yatar-utırır urın yuq, matras häm urın –cir äyberläre birmilär, hawağa çığarmıylar.Töşke aşqa ber kisäk qara ikmäk belän ber krujka çäy genä birälär. Şundıy şartlarda Laşa Argvliani 10 täwlek utıra.16 oktäberdä Laşanı häm tağın 29 keşene Mäskäwgä alıp kitälär. Annan inde samolet belän Gruziägä. Ä menä ikençe törkem belän ozatılğan astma belän awıruçı Tengiz Toganidze Mäskäwgä barıp ta citä almıy. Peterburg –Mäskäw yulında tını qısılıp ülä.Federal'' migratsiä xezmäte eşçeläre anı “İkarusta”alıp bardıq, darular birdek, qanunnarnı bozmadıq, disälär dä,Tengiz Toganidzenıñ tuğannarı moña ışanmıylar. Yök maşinasında alıp barğannar, aña meditsina yärdäme kürsätüdän baş tartqannar, dip baralar.

Xalıq arasında görcilärgä qaraş törle: “ponayıxali tut”diyuçelärdän başlap alarğa teläktäşlek kürsätü yözennän familiälären alıştırırğa äzerlärenä qädär. Şundıy ike piterlı 19 oktäberdä Admiralteyskiy rayonnıñ Zagsına kilä. Aleksandra Garmajapovanıñ Ğarmaşwili, Aleksandr Şurşewnıñ Şurşawili yäki Şurşeşwili bulası kilä. Zags citäkçese Larisa Mamıqina alarnı dustanä qarşı ala, familiä alıştıruda bernindi dä qarşılıq bulmayaçaq di.Tuu turındağı yaña tanıqlıq belän 500 sum aqça ğına kiräk ikän. Bulaçaq “gruzinnarnıñ” üzläre belän 500 sumnarı bulmağaç, ğariza blankları ğına alıp, berniçä könnän tağın kilergä wäğdä itep kitälär. Şul uq könne Kirov rayonı Zagsına Nefedze bulırğa telägän Mariä Nefedova belän Dinamidze digän familiäne yaqın kürgän Marina Potexina da möräcäğät itälär. Vıyborgskiy rayon Zagsına da şundıy uq teläk belän ike keşe kilüe mäğlüm.

Gölzadä Kamalova, Peterbur.

XS
SM
MD
LG