Accessibility links

җомга, 9 декабрь 2016, Казан вакыты 18:43

Topolanek Rusiägä bäylelekne kimetergä çaqırdı


Çexiä premyer ministrı Mirek Topolanek Yewropa Berlegen yağulıq ölkäsendä Rusiägä bäylelekne kimetergä çaqırdı. “Bu ölkädä Rusiäneñ basımı citdi borçılu uyata. Yewropa Berlege yağulıqnıñ başqa çığanaqların da buldırırğa häm gaz belän neft kiterüneñ başqa yulların tabarğa tırışa. Min monı döres dip sanıym häm alay bulmasa, ğasırğa ber genä bula torğan, tözätmäslek yalğış kitärgä mömkin”, - dide Topolanek. Çexiä premyerı süzlärençä, yağulıq satunı Rusiä däwlätära säyäsi uyınnarda qoral bularaq qullanırğa teli. Anıñ bu belderüe, Azatlıq radiosı häm Warşawdağı Könçığış tikşerenülär üzäge oyıştırğan yağulıq problemalarına bağışlanğan cıyında äytelde.

XS
SM
MD
LG