Accessibility links

шимбә, 10 декабрь 2016, Казан вакыты 08:10

Studentlar sportı xalıqara federasiaseneñ wäkillege Putin belän oçraştı


Studentlar sportı xalıqara federasiaseneñ wäkillege Qazanğa kiter aldınnan, Mäskäwdä Rusiä prezidentı Vladimir Putin belän oçraştı. Bu oçraşuda Tatarstan premyer ministrı Röstäm Minnexanov ta qatnaştı. Putin studentlar sportı xalıqara federasiase prezidentı George Chillianğa möräcäğät itep: “Min sezne Mäskäwdä sälamläwemä şat, ämma bezneñ oçraşuğa başqa şähär- Qazan säbäp buldı”,- dip belderde. Häm Tatarstan başqalasınıñ 2011 yılda bulaçaq Xalıqara Universiadanı ütkärü öçen layıq ikänlegen äytte. Rusiä prezidentı süzlärençä, Rusiäneñ başqa töbäkläre belän çağıştırğanda Tatarstan başqalası böten ölkälärdä dä uñışlı täräqiättä häm sport ta yuğarı däräcägä quyılğan. Universiadanı üzendä ütkärügä Tatarstannan tış Qıtay häm Polşa däğwalıy.

Uyınnarnıñ qayda ütäse 2007 yılnıñ 16 ğinwarında bilgele bulaçaq.

XS
SM
MD
LG