Accessibility links

җомга, 9 декабрь 2016, Казан вакыты 07:09

Çallılar - Mäskäw mäxkämäsendä


2005 nçe yılnıñ 9 nçı ğinwarında Bögelmä şähäre ğaz torbasın şartlatu waqiğası Rusiä däräcäsendä zur cämäğätçelekkä terror aksiäse bularaq citkerelgän ide. Şuşı waqiğadan soñ Tatarstan, Rusiä töbäklärendä küp kenä möselmannar qulğa alındı häm törmägä ozatıldı. Qulğa alınuçılar arasında Çallıdan da 3 keşe bar: Rawil Gömärov, Timur İşmoratov häm Fänis Şäyxetdinov. Berençe ikese- Rawil belän Timur Guantanamonıñ elekke totqınnarı. Menä şuşı 2005нче yılnıñ 9нчы ğinwarında bulğan şartlaw buyınça Tatarstanda 2 mäxkäm eşe bulğan ide. 2005нче yılnıñ 30нчы sentäberendä Tatarstan mäxkämäse İşmoratov, Gömarov häm Şäyxetdinovnı ğäyepsez dip taba, alarnı aqlıylar. Läkin, Tatarstan prokuraturası bu qarar belän kileşmi häm qabat mäxkämägä birä. Törmädän azat itelgän yegetlärne 2006нчы yılnıñ 7нчы martında yañadan qulğa alalar. Qazanda ütkän mäxkämä utırışı bu yulı Gömarov, İşmoratov häm Şäyxetdinovnı ğäyeple dip taba, ozaq waqıtqa törmägä yabu turında xökem qararı çığarıla. Fänis Şäyxetdinov 15 yılğa, Rawil Gömärov 13 yılğa, Timur İşmoratov 11 yılğa törmägä yabıla. Äytkänemçä, bu- 2005нче yılnıñ ğinwarında Bögelmä yanındağı ğaz torbasın şartlatu belän bäyle mäxkämä qararı. Törmägä yabıluçılarnıñ tuğannarı älege qarar belän riza tügellär häm alar Rusiä Yuğarı Mäxkämäsenä kasatsion şikäyät yazıp, eşne qabat tikşerügä ireştelär. Azatlıq xäbärçesenä R.Gömarovnıñ änise Säriä apa bolay dide:

"Üzebezneñ Mäskäwgä barırğa da, advokat yallarğa da aqçabız yuq. Mäskäwgä Timur İşmoratovnıñ advokatı Färit Baybekov qına baraçaq. Minem ulım Rawil şuşı tikşerü eşendä qatnaşırğa teläk beldergän ide häm ul 19 avgusttan birle Mäskäw törmäsendä kürsätmälär birä."

25 oktäberdä başlanaçaq mäxkämä eşe küpme däwam itär, näticäse nindi bulır, aları aldağı kön xäbärlärendä.

Ğafiulla Ğaziz, Çallı

XS
SM
MD
LG