Başqortostan başı üź xäkimiäte yetäksehe Radiy Xäbirovqa prezident xäkimiätendä ştattarźı qıźqartıu buyınsa täqdimdär inderergä quştı. Yañı ştat teźmähen häm unı totowğa sığımdarźı äźerläwźän tış, Radiy Xäbirov aldında tağı la ber yawaplı eş tora. İmenlek şurahı sekretarı, prezidenttıñ baş käñäşsehe häm yarźamsıhı, matbuğat sekretarı üź wazifalarında qalamı-yuqmı ikänen dä Radiy Xäbirov xäl itä. Bıl aźnala Däwlät Yıyılışı–Qoroltay premyer ministr wazifahında Rafael Baydäwlätovtı täğäyenläw xaqında Mortaza Räximov täqdimen qararğa teyeş. Parlamenttağı sığanaqtar xäbär itewensä, Rafael Baydäwlätovtı täğäyenläwźä qıyınlıqtar bulmaźqa teyeş. Oppozitsia baźmaları Mortaza Räximov kontrollek itkän parlament Rafael Baydäwlätovtı premyer ministr wazifahında bıl yulı la ber tawıştan xuplayasaq tip xäbär itä. Räsmi kiñ mäğlümät saraları parlamenttıñ kilähe ultırışında premyer ministr kandidaturahın qarawğa tügel, ikense yaqqaraq huqtıra - kilähe yılğa budjettı raźlaw kön tärtibenä sığarılğan iñ möhim mäsälä tip belderä. Parlamenttıñ budjet buyınsa komitetınan xäbär itewźärensä, bıyılğı qaźna awır şarttarźa qabul itelä. Defitsit bıyıl 5 milliard humğa yetä. Bıl inde qayhı ber programmalarźıñ ütäleşe siklänä tigände añlata. Ämmä finanstar ministrı Ayrat Ğäskärov yıl aźağına tiklem federal' üźäktän bülengän aqsalar, investisialar defitsittı tulıhınsa qaplar tip ışana.
Ayrat Ğäskärov deputattar budjettı qabul iter tip ışana. Premyer ministrı wazifahın başqarıusı Rafael Baydäwlätov qayhı ber eşqıuarźarźı ğäźel bulmağan yul menän aqsa eşläwźä ğäyepläy. Premyer wazifahın başqarıusı ularźıñ kem ikänen äytmäy. Ulay barha kilähe yılda beźźä 10 milliarder barlıqqa kiläsäk, huñınan dollarlı milliarderźarı la barlıqqa kiler äle tine ul xökümättä ütkän ultırışta. Älegä Başqortostanda yıllıq kileme milliard humdan aşqan 3 keşe bar. Bıl turala halım xeźmäte yetäksehe Rämzil Nizametdinov belderźe. Respublika yetäkselegen milliarderźar artıuı häm şul uq waqıtta küptärźeñ eşlägän aqsaların ala almawı borsoy. Äle tik ber nisä yetäkse genä yawaplılıqqa tarttırılğan, 53 yenäyät eşe quźğatılğan. 20 şirqättä eşläwselär ike ayźan aşıu xeźmät xaqı almay.
Respublikanıñ xeźmät inspeksiahı meñdän aşıw tikşerew ütkärep eş xaqın tüläwźe talap itep 283 iźkärtew yahağan. Şunan huñ ğına 29 meñ keşegä 84 million hum külämendä eş xaqı tülängän. 419 yetäkse 433 meñ hum ştraf tülägän.
Xökümät premyer ministrı wazifahın başqarıwsı Rafael Baydäwlätov, älbittä, bınday xäl menän riza tügel häm kiläsäktä aqsa yıusı eşqıuarźar häm banktar isemdären atarğa wäğäźä birźe.
