Accessibility links

чәршәмбе, 7 декабрь 2016, Казан вакыты 17:34

“Berdäm Rusiä” Samar şähär başlığı saylawlarında ottırdı


Uzğan yäkşämbe - oktäberneñ 22- dä Samarda mer saylawınıñ 2-nçe turı uzdı. Här saylaw Samarda kisken köräştä uza, läkin dä bu soñğı mer saylawına tiñe bulğanı yuq äle. Ğömerenä sul köçlärgä tayanğan Georgiy Limanski saylaw aldınnan kinät kenä “Berdäm Rossiä” arbasına sikerde. Un yıl buyına Georgiy Limanski gubernator Titov belän etle- mäçele yäşäde dä kinät kenä qul qısışıp dusqa äyländelär. Däwlät telekanalı Limanskinıñ tetmäsen tetep yäşäde dä kinät kenä maqtıy başladı.

Saylaw könenä ber atna qalğaç, Mäskäw türäläre töyälep kilep töştelär dä Limanskinı maqtarğa kereştelär. Saylawnıñ 1-nçe turınnan soñ Viktor Tarxovnıñ maşinasın yandırdılar.

Tatarlar da ikegä bülendelär. Ber öleşe kiläçäk merğa eşläsä, ber qatlamı Limanskinı qaldırırğa köç quydı. Ataqlı köräşçe Xäbil Biktaşev üz aqçasına Qazannan artistlar çaqırıp, xalıqqa buşlay konsert kürsätte. Häm bu tamaşada säxnä türendä Limanskinı maqtadılar.

Rusiä qanunnarın bozıp, gubernator üze Limanskiğa tawış birüne soradı. Kötü- kötü ataqaylar Limanskiğa mädxiä cırladılar, Baş ataqay Aleksiy İkençe anı wäğäzläde. Samar qaynadı.

Saylawlarnıñ berençe turında saylawçılarnıñ 41%-ı kilgän bulsa, ikençe turda saylawçılarnıñ 44%-ı kilde. Samar öçen bu zur kürsätkeç.

Mer bulıp eşlägän Georgiy Limanski berençe turda 23% cıyğan bulsa, ikençe turda 40% tawışlarnı cıydı. Merlıqqa nämzät Viktor tarxov berençe turda 28 % cıysa, ikençe turda 56% cıydı. Viktor Tarxov 16% ayırma belän östen çıqtı. Tarxov “Tormış” firqäseneñ Samar bülekçäsen citäkli. Şulay itep Samarda “Berdäm Rossiä” firqäse ottırdı. “Berdäm Rossiä” Samar saylawı waqıtında üzeneñ bol'şeviklarnıñ däwamçısı ikänen kürsätte. Kommunistlar belän übeştelär, eşläw ısulları da tulısınça bol'şeviklarça buldı. Telekanallarğa, radioğa Viktor Tarnxovnı çığarmadılar, saylaw uzğan tönne telekannalar saylaw näticälären xalıqqa citkezmädelär. Berdänber “Terra” kanalı ğına mäğlümat birep tordı. Tönge säğät berdä “Mayaq” radiostansiäse saylaw turında ber genä san kiterergä ölgerde, şunda uq Samar üzäge translyatsiäne özde.

Şamil Bahautdin, Samar

XS
SM
MD
LG