Accessibility links

шимбә, 10 декабрь 2016, Казан вакыты 21:45

Rusiä Yuğarı Mäxkämäsendä İşmoratov häm Ğömärev eşlären qaraw kiçekterelde


Rusiä Federatsiäseneñ yuğarı mäxmäse Timur İşmoratov Häm Rawil Gomärovnıñ kassasiatsya şikäyäte buyınça 25 üktäberdä uzarğa tieşle mäxkämä utırışın bilgelänmägän möddätkä kiçekterde. Ul şuşı qararı belän Gomerov häm İşmurovtonıñ advakatı Emil Ğataullinnıñ üteneçen qänäğätländerde. Yaqlawçı Emil Ğatawllinnıñ fikerençä, tikşerü eşendä 3 törle qanun bozu bulğan. Ul bu xaqta äle 17 iyüldä ük yullamasın tapşırğan bulsa da, anıñ nigezendä nindider eş barlığın belderep, Yuğarı mäxkämädän bernindi dä cawap kilmägän. Ul şuña kürä mäxkämä eşe başlanuğa berençe soraw itep, yaqlaw yağınıñ yullamasın qabul itüne ütende. Bu gäyepläw eşen alıp barğan waqıtta qanun bozularnı ul bolay dip añlattı: Gäyepläw yağı mäxkämä utırışlarnıñ berençe aqlaw qararın şik astına alıp, anı ğämäldän çığarğan. Läkin yaqlaw yağı üz yağınnan mondıy wäkälätkä iä tügel. Bu xäl ğomumän, bu cinayät eşenä qarata ğına tügel, ğomum Rusiä Federatsiäse qanunnarınıñ da da kamil bulmağanın kürsätä dide, advokat Emil Ğatawllin. Anıñ şikäyäteneñ ikençe matdäse, advokatlarnıñ alışınıp toruı. Alarıñ barı tik mäxkämä bulğan könne genä , şul isäptän gäyeplänüçe yaq tarafınnan bilgelänüe qanunsızlıqnı kürsätä, di ul. Anıñ süzlärenä qarağanda bu cinayät eşe barğan waqıt eçendä genä dä 6 advokat alışınğan. Häm öçençe matdä, dide Emil Ğatawllin, törmädä cäfalanular qullanu. Menä şular nigezendä tikşerüne däwam itär öçen ul Yuğarı mäxkämägä üzeneñ şikäyät yullamasın täqdim itkän.

İslam ekstremizmında gäyeplänüçe Timur İşmoratov, Rawil Gomärov häm Fänis Şäyxetdinovlarnıñ yazmışı belän ikençe yıl inde “Memorial” häm “Gracdanlıq mönäsäbäte” oyışmaları da qızıqsına ikän. Alar bu taraftan küp kenä mäğlümätlär tuplağannar. Ul oyışmalarnı täqdim itkän Yılena Ryäbinina süzlärenä qarağanda, alarnıñ oyışması inde ikençe yıl islam ekstremizmında gäyeplänep cinayät eşe açu faktların öyränä. Bigräk tä bu cinayätlärgä mönäsäbäte bulmağan keşelärne terrorçılıqta gäyepläp, ideologik ezärlekläwlärgä nigez bulğan oçraqlarda, di Yelina Ryäbinina. Şuşı tikşerülärne ütkärgännän soñ bez, Rawil Gomärov häm Timur İşmoratovlarnı bernindi gäyepsezgä ezärlilär digän fikergä kildek, şunıñ östenä, bıyıl cäy köne, Bögelmädäge ğaz torbasın şartlatqan başqa beräw, üzeneñ gäyeben tanuın beldergän , di Yılena Ryäbinina.

Näzifä Kärimova, Mäskäw

XS
SM
MD
LG