Accessibility links

сишәмбе, 6 декабрь 2016, Казан вакыты 06:07

Gäräy Räxim: Däwlät tellären üsterü respublika qulında


Çärşämbe könne Däwlät Şurasınıñ Mädäniät, fän, mäğärif häm milli mäs'älälär komitetında "Mäğärif" ilküläm proyektın ğämälgä aşırunı respublikada küzätçelek itüçe komissiä utırışı uzdı. Komissiä äğzaları älege proyektnıñ Tatarstanda niçek niçek tormışqa aşırıluın qaradı. Komitetnıñ cawaplı xezmätkäre şağir Gäräy Räxim utırışta qaralğan töp mäs’älälär turında Azatlıq radiosına bolay dide:

“Bik ähämiätle ike mäs'älä qarıylar alar. Anıñ berse berdäm däwlät imtixanı dip atala. Rusiädäge mäğärifkä qağılğan ike qanunda berdäm däwlät imtixannarınıñ Rusiädäge milli respublikalardağı däwlät tellärendäge ädäbiät häm tel imtixannarı küz aldında totılmıy. Gärçä, BDİ da äytelgän, urta mäktäpne tämamlağanda töp fännärneñ härberse berdäm däwlät imtixannarına kerergä tieşlär. Ä respublikalardağı däwlät telläre, äytik, bezdäge tatar tele ul töp fännärgä kerä. Läkin anı berdäm däwlät imtixannarına kertü qaralmağan qanunda. Dimäk, bez älege imtixannarnı tatarça birä almıybız. Ä Rusiä konstitutsiäseneñ 68 maddäsendä äytelgänçä, respublikalardağı däwlät tellären üsterü alarnıñ üz qulında digän. Dimäk, bezneñ xoquqıbız bar, läkin qanun ul xoquqnı birmi. İkençe mäs'älä älege imtixannar buyınça, xäzer bez BDİrın tatar telendä birgän oçraqta da uquçılar Rusiäneñ Tatarstannan tış yuğarı uqu yortlarına qabul itelmi. Menä şuşı ike mäs'älä buyınça bez federal' qanunnarğa östämälär kertü östendä eşlibez.”

Gölnaz Şäyxetdin

XS
SM
MD
LG