Accessibility links

шимбә, 3 декабрь 2016, Казан вакыты 03:29

İjaw mäktäpläreneñ tatar sıynıflarında - qom'yuterlar


Udmurtiä tatarlarınıñ milli - mädäni möxtäriäte tatar sıynıflarına tatar xärefläre häm tarixi materiallar belän tuplanğan un komp'yutor tapşırdı.

Bala mäktäptä zaman taläplärenä turı kilgän belem alırğa tieş. Bu - buğenge kön taläbe. Soñğı yıllarda bu şartnı isäpkä alıp, mäktäplärdä maxsus informatika sıynıfları, häm başqa maxsus sıynıflar tuplana. Ä tatar sıynıfları bu taläplärgä turı kiläme soñ? Anda uquçılar bügenge texnik cihazlarnı üzläşterep, irtägä üzleläre alarnıñ üseşen tä'min itä alaçıqmı. Şuña da tatar sıynıfların texnika belän tulılandıru mäs’äläsen respublikanıñ milli-mädäni möxtäriäte üzeneñ burıçı itep quydı.

Mäxtäriätneñ räise İrek Şäripov tatar sıynıfları matematika, çit tellär sıynıfları belän konkurentlaşırlıq bulırğa tieş dip bilgeläde.

Şulay itep mäxtäriät aqça tuplap respublikanıñ un mäktäbenä komp'yuterlar aldı. Älege komp'yuterlar ğadi tügel. Alar tatar xärefläre, tatar xalqı tarixı, Qazan şähäre turında mäğlumatlar, tatar mädäniäte xaqında yazmalar belän tulılandırılğan. İjaw şähäreneñ 12 mäktäbeneñ ana tele uqıtuçısı häm Lenin rayonı mäktäpläreneñ tatar tele uqıtuçıları metodik berläşmäse citäkçese Räsimä Sadıykova bu büläklärne kötelmägän söyeneç dip qabul itülären belderde.

Komp'yutorlar uqıtuçılarğa da uquçılarğa da zur yärdäm itäçäk. Şul uq waqıtta komp'yutorlarnı internet çeltärenä totaştıru buyınça da söyläşülär alıp baralar.

Älegä milli mädäni möxtäriät un komp'yuter ğına tapşırdı. Ä respublikada tatar sıynıfları bulğan mäktäplärneñ sanı yegermedän artıq. Kiläçäktä tatar sıynıflarında belem birü häm balalarnı anda cälep itü buyınça tikşerenü eşe alıp barıla dip urtaqlaştı İrek Şäripov.

Xämidä Ğayfullina, İjaw

XS
SM
MD
LG