Accessibility links

Кайнар хәбәр

Putin başqortstanlılar sorawlarına cawap birmäde


25 oktäber Rusiä Prezidentı Vladimir Putin rusiälelärneñ sorawlarına cawap birde. Başqortstanlılarğa bıyıl turı efirda Putinğa soraw birü, aralaşu nasıyp bulmadı. Bu il başınıñ xalıq belän ütkärgän şundıy bişençe dialogı. Şul waqıt eçendä respublikada barı tik ber tapqır ğına Prezidentqa soraw birü, aralaşu öçen maxsus urın oyıştırılğan ide. Ul 2002 yılda Awırğazı rayonın üzäge Tolbazı awılında oyıştırıldı. Anda aldan saylanğan törkem, aldan äzerlängän sorawlar belän qatnaşqan ide. Şulay buluğa qaramastan, il başına soraw cibärüçelär respublikadan citärlek bulğan. “Azatlıq” xäbärçeseneñ sez Vladimir Putinğa nindi soraw birer idegez dip xalıq fikeren beleşüdä qatnaşuçılar arasında Prezidentqa soraw cibärüçe ber keşe dä bulıp çıqtı. Ul Ufada yäşäwçe Nail Xäkimov. Nail Xäkimov Putinğa Başqortstandağı mäğärif problemaları turında äytep, başqort telen mäcbüri uqıtu uñayınnan fikerlären belergä telägän. Älbättä, Putin bu sorawğa cawap birmäde. Soraşuda qatnaşuçı millättäşlärebez arasında Vladimir Putinğa tatar problemasına qağılğan başqa soraw birü teläge buluçılar da açıqlandı. Alar milli tigezsezlek, tel statusı, Rusiädä tatar tele statusı kebek sorawlar birer idek dip belderdelär.

XS
SM
MD
LG