Accessibility links

якшәмбе, 4 декабрь 2016, Казан вакыты 09:15

Altay xalıqları Altay respublikası belän Altay ölkäsen quşuğa qarşı


Altay xalıqları qorıltayı başqarma komitetı Rusiä prezidentına Altay respublikası belän Altay ölkäsen bergä quşu öçen alıp barılğan äzerlek eşlären tuqtatunı ütenep möräcäğät itte. Möräcäğättä prezidentnıñ Seber töbägendäge wäkile Anatoliy Kvaşninnıñ Altay Respublikasın yuqqa çığaru öçen alıp barılğan eşläre barı tik türälär öçen genä faydalı buluı äytelä. Altay xalqı, bigräk tä däwlät tözeleşe häm üz yazmışların xäl itkändä, xakimiätlärneñ alarnıñ fikerläre belän dä xisaplaşuın teli, dielä. Häm Altay respublikası belän Altay ölkäsen bergä quşu turındağı mäcbüri ütkäreläçäk referendumda küpçelegebez qarşı tawış biräçäk dip äytelä.

Altay xalıqları Qorıltayı başlığı Vladimir Amurguşev äytüençä, 31 üktäberdä respublika statusın saqlaw maqsatı belän 5 meñ keşe qatnaşında uram cıyını ütkärü planlaştırılğan. Ägär Rusiä prezidentı başqarma komitet möräcäğäten ixtibarsız qaldırsa, Altay xalıqlarınıñ çirattan tış qorıltayı cıyılaçaq.

XS
SM
MD
LG