Accessibility links

шимбә, 10 декабрь 2016, Казан вакыты 15:48

Öfölä başqort telendä radio asıu niätläşterelä


Bötä donya başqorttarı Qoroltayı Öfölä başqort telendä radio häm televidenie bulmauğa borsolou belderä. Qoroltay räyese vazifahın başqarıusı Rumil Aźnabaew äyteüensä, Öfölä 200 meñ başqort yäşäy, tik başqalanıñ Kiske Öfö gäzitenän tış, başqortsa mäğlümät saraları yuq.

Başqortostandıñ baş qalahı Öfölä başqort möxiten kösäyteü kön talabı tine Rumil Aźnabaew. Unıñ fekerensä, internetta başqort telle sayttarźıñ aźlığı, başqortsa gäzittärźeñ elektron variantı yuq kimäldä bulıuı la źur borsolou tıuźıra.

Rumil Aźnabaev bıl turala başqort xalqınıñ ruxi kütäreleşendä kiñ mäğlümät saralarınıñ role tigän temağa arnalğan käñäşmälä äytte. Unda qatnaşqan şağir Qäźim Aralbaev ihä Başqort däülät universitetında diplom alıp sıqqan jurnalistarźıñ üśmäyensä, yuğala barıuına borsolou belderźe. Başqort jurnalistikahında eş xaqı tübän, şuğa kürä ömötlö genä yäştär źä bıl şöğöldö taşlay tine ul.

Qoroltay ağzaları xökümätkä möräjäğät tä qabul itte. Unda alda äytelgänsä, Öfölä başqort telendäge radio asıuźan tış, ä bıl xıyaldıñ tormoşqa aşasağı bik ikele, barlıq eştär finansqa barıp bäylänä, qoroltay Tatarstandağı gäzittärźä başqort telle quşımta sığarıu buyınsa kürşe ölkä xökümäte menän höyläşeüźe horay.

XS
SM
MD
LG