Accessibility links

шимбә, 10 декабрь 2016, Казан вакыты 23:31

Qasqan totqondarźıñ xököm möźźäte oźaytıla


Stärletamaq qalahında törmänän qasqan ike totqon şul uq köndä totolğan. Urındağı xoloq töźäteü urınında yarźamsı xujalıqta eşläp yörögän ike totqon köpä– köndöź törmänän qasqaynı. Orğandar ularźı Stärle voqzalında tapqan. Ularźıñ berehe 3 yıl yarım, ikensehe 5 yılğa irektän mäxrüm itelgän bulğan. Xäźer qasaqtarğa sork öśtäläsäk. Totqondarźıñ ul tiklem oźaylı bulmağan waqıtqa xököm itelep tä qasırğa mataşıuźarı säbäptäre asıqlanmay. Şulay źa törmälärźä yäşäü şarttarınıñ tüźep bulmaślığı, tärtipheźlek xököm höröüe säbäple totqondarźıñ qasırğa tırışıuźarı xaqında fekerźär işetelä. Oşo köndärźä Öfölä Räsäy törmäläre etäkselege yıyını üteüe xaqında xäbär itkäynek inde. Ul saqta Başqortostan xoloq töźäteü qoloniyaları şarttar buyınsa iñ yaqşılarźan tip äytelgäyne.

Töźökländereü yılında handarźı butausılar küp.

Premer– ministr Rafael Baydäülätov töźökländereü tip iğlan itelgän yılda küź buyauźarźıñ uğata küp bulıuın belderä. Miśal ösön ultırtılğan ağas– qıuaqtarźı alayıq ti ul. Urmansılar eş könöndä ultırtqan, yäki mäktäp uqıusıları kösö menän ultırtılğan ağas– qıuaqtarźı töźökländereü yılı ösön yauap bireüse etäkselär üź qaźanıştarı tip atağan. Şul uq xäl yuldarźı tigeźläü, asfalt yäyeügä lä qağıla. Tege yäki bıl rayonğa yuldarźı yaqşırtıuğa qaźnanan planğa yaraşlı summa bülenä. Urındarźa ihä oşo aqsağa başqarılğandarźı maqsatlı yılda eşlängändär rätenä inderälär. Rafael Baydäülätov äyteüensä, qätği qontrollek bulmauı eşkä barmaq yarıqtarı aşa qarauğa kilterä.

Räsmi sığanaqtarźan bildäle bulıuınsa respubliqala 9 ayźa ğına torlaq remontlauğa 700 million humğa yaqın aqsa bülengän.

Xökümät Premer–ministrı Töźökländereü yılı dauamında ultırtılğan ağastar küläme häm asfalt tüşälgän yuldar oźonloğo Başqortostandıñ Räsäygä quşılıuınıñ 450 yıllığın layıqlı qarşılau ösön bik möhim tine.

Başqortostan pensionerına Putinğa räxmät äytergä forsat birmänelär.

Räsäy prezidentı Vladimir Putin watandaştarźı tağı ber tapqır qıuandırźı– üźäk televidenie häm radio aşa qorolğan äñgämälä watandaştar Putinğa 2 milliondan aşıu horau ebärgän. Başqortostanda uźğan ber äñgämäläge keüek Tolbazıla maxsus nöktä urınlaştırılmaha la, xalıqtıñ prezidentqa horau bireü mömkinlege bar ine– Başinformsvyaz şirqäte respublika tulıhınsa tierlek telefonlaştırılğan, här ikense keşelä keśä telefonı bar tip belderä. Ämmä Başqortostandan ber genä horau źa tura efirźa yañğıramanı. Horau birergä telägändärźeñ berehe Köyörgäźelä yäşäy. Aleksey Tarasov atlı pensioner Putinğa horau tügel, döröśöräge räxmät äytergä telägän. Telefon möräjäğättären qabul iteüse Mäskäü qıźźarı uğa heźźeñ horau 13-sö bulıp tapşırılasaq tihälär źä, asılda ul bulmanı. Aleksey Tarasov Vladimir Putinğa milli proekttar uylap sığarğanı, Mortaza Räximovtı tağı la 5 yılğa üź urınında qaldırğanı ösön barı źurźan räxmät äytergä genä telägän.

Başqortostan prezidentı Mortaza Räximov Öfölä fitnes üźäk astı.

Mortaza Räximov «Uralsib» banqı prezidentı Nikolay Tswetqov menän osraşıp, finans törkömdär auıl xujalığı tarmağın taşlamalı kreditlauğa baśım yaharğa teyeşlegen etkerźe. Nikolay Tswetqov ihä Uralsib tarafınan äle Respublikanıñ ağrar yünäleşenä iğtibar layıqlı kimäldä – Başqortostandıñ bıl tarmağın üśtereügä 2 milliard hum külämendä kredittar bülengän tine. Kiläsäktä lä auıl xujalığın kreditlau dauam itäsäk, tip ışandırźı. Hüźźän eşkä küsep ular ber bina asıuźa la qatnaştılar. Xalıq ösön ütä möhim obekt– ul fitnes– üźäk ikän. Unı töźöü ösön Uralsib kompaniyahı 6 million dollar aqsa tükkän.

B.Fatkullin Öfö

XS
SM
MD
LG