Accessibility links

сишәмбе, 6 декабрь 2016, Казан вакыты 08:46

Respublikannar firqäseneñ abruyın radio tapşıru alıp baruçıları kütärerme?


Noyäberdä Quşma Ştatlarda Kongressqa saylawlar bulaçaq. İldä ütkärelgän soraştırular, xäzerge il citäkçelge, yägni Respublikan xökümät belän qänägät bulmağan yäki aña tänqitçän qaraşta torğan amerikannarnıñ sanı artuın kürsätä. Respublikan firqäseneñ populärlığı kimüe, prezident George Buşnı ğädäti bulmağan adımnar yasawğa etärä. Küptän tügel, anıñ Quşma Ştatlarda ayıruça populär bulğan radio tapşırular alıp baruçıları belän oçraşuı turında bilgele bulı.

Quşma Ştatlarda qayda ğına barsagız da, sez radiolarda, Amerikan Prezidentı George Buşqa maqtaw süzläre äytelgän häm Demokratlarnı qatı sükkän talk-show, söyläşü, fiker alışu tapşıruların taba alaçaqsız. Bu söyläşülärne kem alıp bara ? Amerika mäğlümat çaraların oyränüçe törkem başlığı Paul Waldman bu ölkädäge wäzğiätne bolay añlata

"Bu konservativ alıp baruçılar, alar Respublikannar firqäsen häm konservativ qarşalarnı yaqlıy. Quşma Ştatlarğa qayçan kilsägez dä, häm radionı qabızsağız, sez Buş idäräse işetterergä telägän äyberlärne sezgä söyläp toruçı, kimenedä ber yäki yäki konservatornı taba alaçaqsız."

Älege radio soyläşülär, Respublikannar firqäse kongressta östenlekne alğan 1994 yıldan soñ barlıqqa kilde. Ul yıllardağı Prezident Bil Clinton, Demokrat bulsa da, 1994 yıl saylawlarınnan soñ il tulısınça Respublikannar firqäse kontollegendä buldı. Häm bu waqıtta konservativ qaraşlarnı yaqlawçı alıp baruçılar üsä başlıy. Andıy soyläşü , fiker alışu tapşıruların başlap cibärgän keşe - Rush Limbaugh. 90nçı yıllardan xäzergäçä, konservativ qaraşlarda torğan şuşı alıp baruçınıñ bik küp tıñlawçısı bar. Yaqınça 12 million amerikan, Limbaugth säyäsi tänqit häm mäzäk quşıp söylägän tapşıruların tıñlyı, dip farazlana. Rush Limbaw da, Aq yortqa çaqırılğan ber 40lap populär radio tapşırular alıp baruçıları arasında bulğan. Ul könne Bush idäräseneñ berniçä räsmie, Däwlät sekretare Condoleeza Rice, saqlanu sekretare Donald Ramsfeld, vitse-prezident Dick Cheney törle temalarğa turı efirda intrvyular birde. Bush üze ul oçraşuda bulmadı, ämma sintaber ayında ul maxsus saylap alınğan radio alıp baruçılar törkeme belän oçraştı inde. Anda 10lap keşe qatnaşqan. Bush anda Ğıraqta tärtip urnaştıru, qanunsız immigratsiä, häm Quşma Ştatlar budjetı turında söylägän.

Aq Yortqa çaqırılğan jurnalsitlar arasında Laura İngraham da bula, anıñ 3 millionlap tıñlawçısı bar, ul da populär alıp baruçı. Üzeneñ soñğı tapşırınıñ bersendä ul, Bush häm ul imzalağan qanunnı tänkitlägän öçen ber televidenie kanalın qatı tänqit utına tota.

Belgeçlär fikerençä, bu Aq Yortqa yörulär, mänfäğätlär qarşılığı kebek kürenä. Nigä jurnalislar üzlärenä basım yasaw belän kileşä häm prezident qaraşın aluğa bara?

Mäğlümat çaraların oyränüçe belgeç, Paul Waldman, radiodağı talk show, fiker alışu tapşıruları Amerikada mediasında balans citmägän ölkä bulıp tora. Konservatorlar çınnan da östenlek itä, di Waldman. Leberal qaraşlarda torğan berniçä radio alıp baruçısı bar. Läkin alar, konservativlarnıñ bulğan kebek, ul xätle tıñlawçlar sanına ireşä almyı. Ütkän yılnı açılğan däwlät liberal radio stansiä “Air America” ütkän atnada ğına bölgengekkä töşüe turında iğlan itte.

Ämma Respublikannarğa qarşı fiker tudıruçı xäbärlär dä bar. Respulikan, kongres wäkile belän bäyle sex-skandalı kilep çıqtı, Bush idäräsendä eşläwçelärne belemsez häm täkäber itep kürsätkän kitap çıqtı, küzläw xezmätläre üz xisablarında Ğıraqtağı suğış terrorçılarnıñ sanın arttırdı ğına digän näticä çığardı.

Kongres saylawları yaqınlaşqan ber mäldä, fiker beleşterülär Respublikannarıñ abruı töşüen kürsätä. Soñğı soraştıruda amerikannıñ 49 % Respublikannarğa tiskäre qaraş beldergän. Cawap birüçelärneñ 22 %, xökümätne demorkatlar kontrollegenä qaytarırğa teli. AQŞ Prezidenti George Bush reytingı - 30 % tiräse.

Bikä Timerova.
XS
SM
MD
LG