Accessibility links

сишәмбе, 6 декабрь 2016, Казан вакыты 13:17

Şäymiev Studentlar sportınıñ xalıqara federatsiäse wäkillegen qabul itte


Bügen Tatarstan prezidentı Mintimer Şäymiev Studentlar sportınıñ xalıqara federatsiäse wäkillegen qabul itte. Wäkillekkä federatsiäneñ başlığı Rox Kampanoy citäkçelek itä. Oçraşuda premier-ministr Röstäm Minnexanov, Qazan merı İlsur Metşin, yäşlär, sport häm turizm eşläre ministrı Marat Barıyıv ta qatnaştı.

Ägär dä Studentlar sportınıñ xalıqara federatsiäse 2011 yılda Universiadanı Tatarstan başqalasında ütkärergä qarar qılsa, Qazanda ike zur qorılma - su sportı häm köräş sarayları salınaçaq. 10 meñ keşe torırlıq Olimpiä awılı qorılaçaq.

Tatarstan prezidentı Mintimer Şäymiev oçraşudan soñ, ixtibar üzägendä bez bulırbızmı, ansı waqıt qulında, berençe adım yasaldı, bez fikerlär almaştıq. Studentlar sportı xalıqlar duslığına häm uzara añlaşuğa xezmät itä. Bu igelekle eştä Rusiä isemennän üz öleşebezne kertergä telär idek, dide. Federatsiäneñ başlığı Rox Kampanoy, Tatarstanda sport çaralarınıñ yuğarı däräcädä ütüen bilgeläp ütte.

XS
SM
MD
LG