Accessibility links

шимбә, 10 декабрь 2016, Казан вакыты 10:10

Scheffer Mäskäwdä söyläşülär ütkärde


Nato general sekretare Jaap de Hoop Scheffer Rusiäne Gruziägä kertkän çikläwlärne beterergä çaqırdı. Könyaq Osetiä häm Abxaziä arasındağı problemalar tınıç yul belän çişelergä tieş, dide. Scheffer Mäskäwdä, Rusiä prezidentı Vladimir Putin, saqlanu ministrı Sergey İvanov häm İminlek Şurası sekretare İgor İvanov belän oçraştı. Oçraşuda Rusiä-NATO Şurası qısalarında xezmättäşlek, Tönyaq Korea häm İrannıñ atom-töş programmaları tiräsendä tuğan wäzğeyät häm başqa xalıqara problemalar da tikşerelgän.

Scheffer fikerençä, NATO häm Rusiä xezmättäşlege üsä. Häm küp töbäklärdä nizağlarnı cayğa salu öçen Rusiäneñ dä qatnaşuı kiräk.

Ämma şul uq waqıtta Rusiä tışqı eşlär ministrı Sergey Lavrov, Mäskäw, NATOnıñ kiläçäktä cäyelü plannarına häm Könçığış Yewropanıñ qayber illärendä raketağa qarşı saqlanu qorılmaları urnaştırırğa cıyınuına borçılu belderä, dip äytkän.

Scheffer süzlärençä, NATO nıñ noyäberdä Rigada uzaçaq sammitında berlekne kiñäytü turında nindi dä bulsa qarar qabul itelmäyäçäk.

XS
SM
MD
LG