Argentina prokuraturası 1994 yılda İzrailneñ Buenos-Ayrestağı ximäyä oyışması binasın şartlatuda Tähran häm “Xizbulla” ğäyeple dip belderde. Ul waqıttağı terror ğämälendä 85 keşe ülgän ide. Argentinanıñ baş prokurorı Älberto Nisman:
“Bezdä bu terror ğämälen ütkärü turındağı qararnıñ Tähranda yuğarı däräcädä qabul itelüe xaqında bäxäsläşmäslek dälil bar. İrannıñ ul waqıttağı citäkçeläre “Xizbulla”nıñ Libandağı şiğıylar törkemenä bu şartlawnı oyıştırırğa dip kürsätmä birgän. Bu törkemneñ Tähranğa buysınuı häm aña tulısınça bäyle buluı mäğlüm”,- dide.
