Accessibility links

җомга, 9 декабрь 2016, Казан вакыты 05:10

Mödäris Äğlämgä “Tatarstannıñ xalıq şağire” iseme birelde


Ğ.Tuqaynıñ Qazandağı muzeyında kürenekle şağir Ğ. Tuqay büläge iäse Mödäris Äğlämgä 60 yäş tuluğa bağışlanğan “Täräz şaqıy iman” dip isemlängän ädäbi - muzıkal' kiçä bulıp uzdı. Şağirneñ yubileyı uñayınnan Tatarstan Prezidentı Mintimer Şäymiev Mödäris Äğlämovqa “Tatarstannıñ xalıq şağire” iseme birelüe turındağı ukazına qul quydı. Bügenge köndä şağir üze awırıp tora. Anıñ 1977 yılda şiğerlären üz tawışı belän uqığanda yazdırılğan tasması saqlanıp qalğan. Anda ul üzeneñ “İsänme yöräk” “Awılda şiğer kiçäse” “Tiz erüdä meni? “Sağışlı tön” “Yalğış qına” “Ber köndä sawma”, “Küz” häm başqa şiğerlären uqıy. Soñğı yıllarda icat itelgän şiğri tälgäşläreneñ berniçäsen comğa könne “Ватаным Татарстан”gäzitendä uqırğa bula.

Ä Tatarstan Mädäniät ministrlığı häm Yazuçılar berlege Mödärris .Äğlämgä 60 yäş, häm anıñ icadi eşçänlegenä 40 yıl tuluğa bağışlanğan ädäbi- muzıkal' kiçä ütkärä. “Xalqıñ tapşırğan qäläm” dip isemlägän älege kiçä 30 oktäberdä Qazan milli mädäni üzägendä säğät 18.00 dä uzaçaq.

Bügenge matbuğatta büläkläwlär turında tağın ber mäğlümat.

27 oktäber könne Tatarstan respublikası xaqına namuslı xezmäte , qanunnı nığıtudağı, keşelärneñ xoquqların häm qanunlı mänfäğät'lären yaqlawdağı qazanışları öçen Tatarstan respublikası Prezidentınıñ Däwlät-xoquq idaräse başlığı Säxieva Räisä Ğabdulla qızı “Fidaqar xezmät öçen” medale belän büläklände.

Qazanda bu könnärdä kompozitor Sara Sadıyqovanıñ tuuına 100 yıl tuluğa bağışlanğan mädäni çaralar däwam itä. Andıy çaralar respublikanıñ yäşüsmerlär kitapxanäsendä dä , häm başqa mäktäplärdä dä ütkärelä .Ä inde 28 oktäberdä Qazan şähäreneñ Kirov rayonınıñ 4 gimnaziäsendä Respublika buyınça festival' başlana. Anda Rusiäneñ başqa töbäklärennän dä uquçı balalar Sara Sadıyqovanıñ cırların başqarır öçen festival'dä qatnaşırğa kilälär.

Cırçı Zöhrä Säxäbieva da küptän tügel genä Tatarstannıñ muzıka sänğätenä ozaq yıllar buyı fidaqär xezmäte öçen Tatarstan respublikası Prezidentınıñ Räxmät xatı belän büläklände.. Sara Sadıyqova belän Ğömär Bäşirov icat itkän“Cidegän çişmä“ cırın berençelärdän bulıp qabatlanmas moñlı tawışı belän xalıqqa citkergän cırçınıñ icat kiçäse 28 oktäberdä Musa Cälil isemendäge opera häm balet teatrında uzaçaq.

Mälikä Basıyr

XS
SM
MD
LG