Başqortstan teatr sänğäte yoldızlarınıñ berse, SSSRnıñ xalıq artistkası Gölli Möbäräkova da üzeneñ yubileyın bilgeli. Aña 70 yäş tuldı. Gölli xanım äle dä säxnädän ayırılmıy. Yaña spektakl'lärdä törle tiptağı rol'lärne başqara, mädäni çaralarda qatnaşa ul. Ğomumän, sänğät'tän başqa üzen küz aldına da kiterä almawın äytä Gölli xanım. Yubiley könnärendä milli sänğätebez yazmışı xaqında fikerläre belän urtaqlaşıp menä nilär dide ul :“Sänğatebez yäşäsä, millätebez dä yäşäyäçäk. Çönki menä şuşı uq teatr sänğäte ul artistlar da, rässamnar da, kompozitorlar da digän süz. Alar bulsa sänğät tä bula, millätebez dä yuğalmas. Teatrda telebezneñ maturlığı da saqlana. Global'läşü çorında bez telebezne dä saqlarğa tieş. Nigä äle bez taptalırğa tieş, di”.
Başqortstan teatr sänğäte yoldızı Gölli Möbäräkova bu könnärdä üzeneñ 70 yäşlek yubileyın bilgeli. Törle çaralar qaralğan bu uñaydan. Kürenekle aktrisa kiläçäkkä yaña icadi uy-niätlär belän yäşi.
