Accessibility links

шимбә, 10 декабрь 2016, Казан вакыты 15:55

“Ğaliä” mädräsäse yubileyına äzerlek tämam


Ufada comğa könne “Başinform” mäğlümat agentlıysında danlıqlı “Ğaliä” mädräsäse yubileyına äzerlekne tikşergän matbuğat oçraşuı oyıştırıldı. Anda elek “Ğaliä” mädräsäse bulğan, bügenge köndä Rusiä İslam universitetı rektorı Rinat xäzrät Raev, möfti Tälğat Tacetdinnıñ ulı – Möxämmät xäzrät Tacetdin häm Başqortstan Ministrlar kabinetı qarşındağı Din eşläre sovetı räise Vyaçeslav Pyatkov qatnaştı.

Mäğlüm buluınça, “Ğaliä” mädräsäseneñ 100 yıllıq yubileyı 31 üktäber könne Ufada Mäcit Ğafuri isemendäge Başqort däwlät akademiä drama teatrında ütäçäk. İrtänge yaqta biredä “İnqilapqa qadärge dini uqu yortlarınıñ xalıqnıñ mäğrifätlelegen arttırudağı role” dip atalğan ğilmi-ğamäli konferensiä açıla. Anda 300 läp ğalim, din ähelläre, räsmi dairälär wäkilläre qatnaşaçaq. Çit töbäklärdän Mäskäwdän, Sankt-Peterburgtan, şulay uq Tatarstannan da küp qunaqlar çaqırılğan.



Ufada bügen uzğan matbuğat oçraşuında iñ küp sorawlarnı jurnalistlar “Ğaliä” mädräsäseneñ däwamçısı bulğan uqu yortı – Rusiä İslam universitetı rektorı Rinat xäzrät Raevqa birde. Rinat xäzrät süzlärençä, ul citäklägän dini uqu yortı “Ğaliä” mädräsäseneñ danlı traditsiälären bügen dä däwam itä. Moña ul bik küp dälillär kiterde.

Fänis Fätxi, Ufa

XS
SM
MD
LG