Accessibility links

якшәмбе, 4 декабрь 2016, Казан вакыты 00:52

Ukraina yaqın arada Yewropa Berlegenä quşılmıy


Yewropa Berlege Ukrainanıñ üzenä tiz genä quşılu ixtimalın kire qaqtı. Bügen Finländiä başqalasında Yewropa Berlege-Ukraina sammitı uzdı. Sammit qısalarında, säwdä, yağulıq, transport häm envestisia ölkäsendä xezmättäşlek mäsäläläre qaraldı. Sammit açılır aldınnan Finlyändiä prezidentı Tarja Halonen belän oçraşqanda Ukraina prezidentı Viktor Yüşçenko üz ileneñ aña quşılu telägen beldergän ide.

Yaña ğına kilgän xäbärlärgä qarağanda Yewropa Komissiase başlığı Jose Manuel Barroso Berlekkä kerergä “Ukraina da äzer tügel, bez dä äzer tügel”, dip beldergän. Ukrainanıñ küp reformalarnı tormışqa aşırası bar äle, dip äytkän. Barroso süzlärenä qarağanda, Yüşçenko, Könbatışqa tabiği gaznıñ üz ile aşa totqarlıqsız kiterelüen wäğdä itkän. Yewropa Komissiase başlığı Ukraina belän Rusiä arasındağı yağulıq mönäsäbätläreneñ yaxşıruın xuplağan.

XS
SM
MD
LG