İran räsmiläre bügen, uran bayıtu eşen däwam itülären rasladı. İkençe rät tsentrifugalar eşlätep cibärelgän. İrandağı köndälek gäzit, İran Atom Energiäse oyışmasnıñ citäkçe urınbasarın Mohammad Ghand süzlären kiterä. Ul, urannıñ 3tän 5 % qädär bayıtuluın beldergän. Anıñ bayıtılu däräcäse energiä stansiäsendä qullanırğa citä, ämma atom qoralı öçen azraq. Comğa könne Quşma Ştatlar, İranıñ atom qoralın yasarğa mömkin, dip yañadan borçıluın belderde. Rusiäneñ saqlanu ölkäsendäge başlığı monda qurqınıç kürmäwen belderde. Rusiä saqlanu ministrı Sergei İvanov, İrannıñ atom programmaları, xalıqara cämäğätçelek küzätüçelege astında bara, dip belderde:
“ Min bu mäsälädä qurqınıç kürmim. Min närsä turında süz barğanın beläm. İran ikençe rät tsentrifuğaların eşlätep cibärde. Bu eştä Xalıqara atom energiäse kontrol itä. Anda bernärsä dä eşläp çığarılmıy. Bayıtılğan uran turında söylärgä irtä ale.”
Quşma Ştalarnıñ İminlek Şurası, İran uran bayıtudan baş tartamsa, ilgä çikläwlär kertü belän kisätte.
