Accessibility links

шимбә, 3 декабрь 2016, Казан вакыты 07:45

Mäskäwdä bäyräm çaraları


Mäskäwdä Ramazan ayına bağışlanğan konsertlar ütkärü inde traditsiägä kerde. İñ kimendä soñğı 10 yılda yıl sayın ütkärelep kilä. Zamanında Renat İbrahimov başlap cibärgän ul tamaşalar zur stadionnarnı cıya ide. Xäzer dä tamaşaçı küp kilä, şunıñ öçen bıyıl Ramazan konsertları Mäskäwdä İzmaylova konsert zalında ike kön däwam itte. Ramazanğa bağışlanğan tamaşa aldınnan, Rusiäneñ möftilär şurası räise, Rusiäneñ Yevropa öleşe dini idäräse räise Rawil xäzrät Gaynetdin, kilgän xalıqnı bäyräm belän qotlağannan soñ, sänğät ostalarına da räxmäten belderde. Şulay uq xalıqqa xezmät itüdä ayırım eşçänlek kürsätkännärgä, Rusiä möselmannarnıñ zur büläge dip, “Ruxi berläşü öçen” digän medal'ne tapşırdı. Medalgä layıq buluçılar arasında cırçı Zöhrä Şärifullina. “Tatarstan” jurnalı redaktorı Rifat Fattaxov, Mäskäwneñ “Yäşlär sänğät üzäge” direktorı Renat Ganiev ta bar ide.

Bu konsertlar aldınnan Rusiänej Yevropa sleşe dini idäräse häm Rusiäneñ möftilär şurası bäyräm uñayınnan küp kenä tanılğan şäxeslärne, bäyräm aşına Metropol' kunakxänäse restoranına çaqırğan ide. Anda kilgän 300 gä yaqın qunaqqa Mäskäw artistları Nailä Fatexova häm “Mädinä” törkeme, Roza Xabibullina häm “Ayqay” cırçıları şulay uq Qazaxstannan kilgän cırçı Roza Rıymbaeva häm Mäskäwneñ çeçen balaları biü törkeme çığış yasadı. Ramazan bäyräme aşına kilgän qunaqlar arasında tanılğan millättäşlär häm mäğärif ministrı Andrey Fursenqo, däwlät duması deputatları Baburin, Cirinovskiy, Aslanbek Aslaxanov, balalar tabibı Roşal', tanılğan artist Sergey Şakurov, yazuçı Genrix Borovik häm küp törle töbäklärdän kilgän möselman din ähelläre belän bergä provaslav din ähelläre dä bar ide.

Tanılğan artist Sergey Şakurov bu oçraşu turında üz fikeren belderergä teläp, bolay dide ”Min bäläkäy çaqta bez yäşägän yortta törle millät keşeläre yäşäde. Bezneñ äti Qayum Tufitul ulı, bik osta auçı ide. Ul audan alıp qaytqan närsälärne äni peşerä ide dä, fatirıbız keçkenä bulğanğa yortqa çığıp tabın qora ide. Barlıq kürşelär dä cıyıla ide bezneñ östäl artına. Menä şulay yäşärgä kiräk, bügenge söyläşülär dä minemçä, şul turıda buldı minemçä”, dide Sergey Şakurov.

Bu oçraşuda säxnädän dä çığış yasağan Cirinovskiy, ğomumän alğanda bolay dide: “Törle dindä yäşäwçelär ber bersen tanırğa, ğöref ğädätlären belergä tieş. Tanış bulmağan närsä genä qurqınıç bulıp toyıla. Doşmanlıqnı buldırmasqa tırışırğa kiräk. Ber berebezgä yaxşılıq belän qararğa kiräk”, dide ul.

Däwlät Duması deputatı şulay disä dä, Bäyräm tamaşaları barğan säğätlärdä Vladimir şähäre mäçetenä höcüm yasaluı da mäğlüm buldı. Bu xaqta mäskäw dini idäräsennän xäbär itälär.

Bıyıl Ramazan ayında ğına Yaroslavl' häm Vladimir mäçetlärenä höcüm yasaldı. Tver' şähärendä zirat taşların cimerdelär.

Näzifä Kärimova, Mäskäw

XS
SM
MD
LG