Böten tatar dönyasına tanılğan tatar kompozitorı Sara Sadıyqovanı Qazanda, anıñ ziratında iskä alırğa kilüçelär bik küp cıyılğan ide. Anıñ qäbere yanında iskä alu çarasın Sara Sadıyqova isemendäge fond citäkçese Äzhär Xösäyenov açıp cibärde. Häm ataqlı kompozitor ruxına bağışlap Xaris Salixcan tarafınnnan doğa qılındı.
Tatarstan Premyer ministrı urınbasarı - mädäniät ministrı Zilä Wäliewa Sara Sadıyqovanıñ tuğan könen 1 noyäberdä Tatarstanda ğına tügel, böten tatar dönyasında anı iskä alıp ütälär, dip belderde.
“Bügen barlıq kitapxanälärdä dä, mäktäplärdä dä, anı iskä alu çaralları ütä. Ä kiç belän Çuvмaşiädä ütkän Räşit Vahapov isemendäge tatar cırı festivale dä Sara Sadıyqovağa bağışlap başlanaçaq ”Häm Zilä Wälieva 90 yıllarda äle Amerikadan kilgän tatarlar belän Sara Sadıyqovanıñ niçek oçraşırğa barırğa äzerlängän mizgelen iskä töşerep ütte.
Sara Sadıyqovanı iskä alu çarasında Tatarstannıñ atqazanğan artistı Äzhär Şakirov Tatarstannıñ xalıq şağire Mödäris Äğlämineñ Sara Sadıykova turındağı şiğeren uqıdı.
Bik küp şağirlär anıñ turındağı xatiräläre belän urtaqlaşıp aña bağışlanğan şiğerlären uqıdı.
Bu çarada Sara Sadıyqovanıñ qızı Älfiä Aydarsqaya da buldı. Ul üzeneñ räxmätlären belderde. Häm S-Peterburgta yäşägän tatarlar tarafınnan Sara Sadıyqovanıñ cırlarınnan torğan CD häm vidiodisk çığaruları turında äytte. 25 noyäberdä Sara Sadıyqovanıñ 100 yıllığın Mäskäwdä ütkärüläre turında belderde.
Qazanda bäyräm çaraları başqa dairälärdä dä däwam itä. Kinorejisser İdmas Ütägänov tarafınnan töşerelgän “Moñsara” isemle telefil'm
4 noyäberdä “Yaña ğasır” kanalınnan kürsäteläçäk. TR mädäniät ministrı süzlärençä, kiläse yılnıñ yazında Qazannıñ İske tatar bistäsendä kompozitorğa häykäl açılaçaq.
Mälikä Basıyr
