Accessibility links

шимбә, 3 декабрь 2016, Казан вакыты 16:54

Blagoveçen eşen qaraw suzıla


Blagoveçen eşe buyınça mäxkämä utırışları suzıla kilä. “Azatlıq” radiosı tıñlawçıları xäterläsä, 2004 yılnıñ dekäbr ayında militsiä Blagoveçen şähärendä tazartu ütkärep, yözlärçä keşelärneñ xoquğın bozğan ide. Militsiä qulınnan, ayağınnan häm täpäçennän zıyan kürüçelär 347 keşe. Bügenge köndä şularnıñ 16sı ğına soraşılğan. Älege kebek yılına urtaça 8 keşe soraşılğan oçraqta, barlıq zıyan kürüçelär belän söyläşü öçen “nibarı” 42 yıl kiräk bulaçaq.

Tazartu bulğan çorda häm annan soñ şähärneñ proqurorı wazıyfasın tartqan Şamil İsmäğilovnı mäxkämägä birü dä, şulay uq, Braziliä seriallarıv kebek. Başta eks-proqurornı Ufanıñ Kirov rayonı mäxkämäse ğäipsez dip tapqan ide. Tübän Novğorod şähärendäge “Cäzalawğa qarşı qomitet” sorawı buyınça respubliknıñ yuğarı mäxkämäse anı köçennän çığardı. İnde Kirov rayonı mäxkämäse anı qabat qarıy başlarğa cıyına. Läkin utırışlar kiçekterelep kilä. Säbäbe — eks-proqurornıñ utırışlarğa yörmäwe öçen. Başta ul 30nçı oqtyäbr uzarğa tieş ide, şunnan 1nçe noyäbrgä küçerelde. İnde 2nçe noyäbrgä bulmaqçı.

XS
SM
MD
LG