Accessibility links

җомга, 2 декабрь 2016, Казан вакыты 21:08

Tөrkiәdә İslam kapitalı soraw astında


Inde ikençe atna televiziә belәn gazetalarda, parlamentta Yimpaş isemle ber holding buyınça tartış, nizağ bara. Yimpaş 1982-nçe yılda tözelep üskәn ber holding. Anıñ qaramağında 40 tirәsendә kibet, 17 tekstil, mebel, ayaq kiyeme, kolbasa eşlәp çığarğan fabrik-zavod, 12 hotel belәn 3 şifaxanә bar. Bolar Tөrkiә belәn Tөrki respubliklarda, Avstarliә belәn Belgiәdә urnaşqannar. Bu holding keşelәrgә aksiә satıp kapital cıyğan, bugenge kөndә 120 meñ pay iәse bar dip belderelә.

Yimpaş, Kombasan hәm oxşaş holdinglar başqa şirkәt hәm holdinglardan ayırmalı bularaq şirkәt aksiәlәren başlıça dindar xalıqqa satuları belәn şөhrәt qazandılar. Alar mәscetlәr, dini oyışmalar aşa, “bez üzebez dә dindar, yәğni ışanıçlı Mөselman “dip bigrәktә il eçendә hәm çit illәrdә yәşәwçe Mөselman tөreklәrgә küplәp aksiәlәr sattılar. Soñğı yıllarda isә bu holdinglar kөtkәn tabışnı kürә almağaç aksionәrlarına pay tülәmi başladılar. Şulay itep çit illәrdә dә Tөrkiәdә dә şikayәtlәr üste, Yimpaş өstennәn tөrle mәxkәmәlәr açıldı.

Yimpaşnıñ general direktorı Dursun Uyar Almaniә tarafınnan meñlәgәn keşene aldağan bulu ğәyebe belәn İnterpol, yәğni xalıqara polistiә aşa ezlәtelә başlağan. Interpol raportı Tөrkiәgә kilsә dә Dursun Uyar qulğa alınmağan. Menә şuşı vaqiğә ütkәn atnada dürt minister qatnaşqan ber cinaza yulası waqtında anıñ da alar belәn al safqa basıp namaz uquwı jurnalistlar tөşergәn foto rәsem belәn bilgelәngәç qıyamәt quptı. Gazetlarda inde niçek İnterpol tarafınnan ezlәngәn ber şäxes belәn ministerlәr bergә cinazada safqa basalar digәn rubrikalar belәn xәbәrlәr çıqtı. Dursun Uyar üze dә tөrle gazet hәm televiziәlәrgә intervyülәr birep, “dөres minem өstemnәn xөkem protsesı bara, lәkin mine İnterpol ezlәmi, urtaqlarıbızga 200 million iske Alman Markı tirәsendә pay tülәdek, 115 meñ aksionәrebez, bezdә eşlәgәn 9 meñ xezmәtkәrebez bar” dip üzen aqlarğa tırıştı.



Tөrkiә Bөyek Millәt Mәclese qarşındağı tikşerenü komissiәse rәise AK partiә deputatı Telat Karapınar 62 holdingnıñ xalıqtan rәsmi rөxsәt bulmıyça torıp aqça cıygan buluların, bularnıñ 46-sınıñ isemnәre bulıp cisemnәre bulmawın belderde. Şuşı aqçalarnıñ yartısı Yimpaş, Kombassan hәm Industria holdingları tarafınnan cıyılğan. Şuşı aqçalarnıñ ber өleşe naçar niәt belәn başqa yaqlarğa cibәrelgәn, ber өleşe isә eşlәrneñ yaxşı alıp barılmawı arqılı yuğalğan. Şunıñ arqılı aqçaların yuğaltqan aksionerlar zur zian kürgәn, ğailә tormışları bozılğan, xәtta üze üzen ütereçülәr dә bulğan. Zian kürüçelәr turında gazetlarda xәbәrlәr dә çığa başladı. Mondıy aldaqçılar өstennәn açılğan 40 xөkem protsesı isә ütkәn xөkümәt çorında çığarılğan amnestiә sәbәple nәticәlәnmiçә yabıldı.



Millәt Mәclesendә dә şuşı tema bu atna kөn tәrtibenә mende. Oppozitsiәdәge Cөmhuriәt Xalıq Partiәse xөkümәtne dinçe kapitalğa qarata tieşle çaralar kürmәwdә ğәyeplәde. Premier Minister Tayyip Erdoğan da bu xәbәrlәrgә bik açulandı. Ul mondıy islamçı holdinglardan AK partiәgә aqça tapşırıldı digәn dәğvәlәrne qәtği rәweştә kire qaqtı. Ul “kiñ külәm mәğlumәt әsabalarınıñ xucaları qulığızda dәlil bulsa kiteregez. Min üzem bolarnıñ artınnan baraçaqmın” dide.”AK partiәne tөzegendә bez un iptәş menә mondıy pıçraq eşlәrdәn nәfrәt itep, yuğla çıqtıq, bezneñ qaznada mondıylarnıñ ber tiyenen dә tabalmıysız” digәn sөzemtә yasadı.

Qısqası islamğa , Mөselmannardan başqasına ışanmağan saf keşelәrneñ zur өleşe mondıy islamça әytemnәr qullanğan şirkәtlәrdәn aksiәlәr alıp zur zian kürdelәr. Bu da soñğı atnalarda Yimpaş general direktorı Dursun Uyarnıñ Almaniә tarafınnan interpol aşa ezlәnә digәn xәbrәlәr çığuwı belәn qabat kөn tәrtibenә mende.

İstanbul, Äxtәm İbrahim

XS
SM
MD
LG