Accessibility links

чәршәмбе, 7 декабрь 2016, Казан вакыты 21:30

Polkovnik Xudyakov maşina yarışında Boğ yärdämendä ciñep çıqtı


Oyıştıru komitetında Atqazanğan avtomobil'' sportı masterı, Rusiäneñ 10 märtäbä çempionı, şulay uq BDB illäreneñ, Mongoliä, Rumıniä, Bolgariä kebek illärneñ açıq çempionatlarında ciñüçe millättäşebez Binyämin Capaev ta bar. Semberdän yıraq tügel urnaşqan Arskoyı awılı yanındağı tawlı-çoqırlı yullarda yıl sayın uza torğan Rusiä çempionatında bıyıl da ul ciñep çığar, dip kötelgän ide. Çönki törle ölkälärdä uzğan etaplarda ğına tügel – final yarışı öleşlärendä dä ul ciñep kilde. Soñğı zaezdda ğına anı trassadan çitkä törtep töşerü arqasında finişqa kilep citä almadı. Büläkkä äzerlängän “UAZ-Patriot” avtomobile Piterburdan kilgän Vladimir Xudyakovqa tapşırıldı, häm ul şuşı büläkne Arsqoyıdağı binihayä zur çirkäwgä tapşıraçağın belderde.

Binyämin isä Xudyakovnıñ quştırnaqlı “ciñüen” menä niçek añlattı.

Polkovnik Xudyakov çirkäwgä barıp, ataqayğa zarlanğan: min monda bişençe märtäbä inde, ber dä uñışqa ireşkänem bulmadı. Mine Boğ aldında blagoslavlyat'' it äle, ägär ul miña yärdäm itsä, maşinanı çirkäwgä büläk itäm. Monda bit sez ğärip-ğorabalarnı da asrıysız, Sezgä maşina bik kiräk, dip sanıym.

Ul bötenläy finalğa da kerä almağan ide. Uteşitel''nıy zayızd, digän östälmä zayızdı ğına uñışlı buldı. Finalda yarıysı ğına sportçılar arasında ul iñ artta ide. “Uteşiteln''nıy zayızd” digäne arqasında ğına finalğa eläkte dä. Liderlarnı beräm-beräm çitkä etärä kildelär, soñğı zaezda miña da çirat citte – yuldan çitkä törtep çığardılar.

Şulay kilep çığa inde: çirkäw armiägä, mäktäplärgä, radio-televizorğa ğına tügel – sportqa da ütep kerde. Çirkäwgä kerep Boğtan yärdäm sorağaç, ul äbizätelne bu ğözerne ütärgä tieş bit. Yuğisä, çirkäwneñ genä tügel, Bognıñ da abruyı töşäçäk, Allam saqlasın. Şunı da östäp äytergä kiräkter: Arsqoyı çirkäwendä yış qına moğcizalar bulıp tora: yä altın täre üzennän-üze tönen päyda bula, yä cimerek tübä irtän toruğa tözätep quyılğan, yä tözälmäs çirlärdän terelep kitälär…

İzge ğämälläre küpter inde Çeçenstan suğışında ğäriplängännärneñ priyutı da eşli bit monda. Şulay uq eçkeçe äti-änilärneñ yätim balaların da sıyındıra bu oluğ çirkäw.

Ayrat İbrahim, Sember

XS
SM
MD
LG