Accessibility links

Кайнар хәбәр

Bäläbäydä Aqmulla yubileyına bağışlanğan cıyın ütä


Başqortstannıñ Bäläbäy şähärendä kürenekle mäğrifätçe häm şağir Miftaxetdin Aqmullanıñ yubileyın bäyräm itü qısalarındağı çirattağı çara başlanıp kitte. Biredä M. Aqmullanıñ häm başqa mäğrifätçelärneñ eşlärenä bağışlanğan fänni-ğamäli konferensiä ütä. Bäläbäy şähäre häm rayonı xakimiäte başlanğıçında oyıştırılğan bu çarağa Ufadanı tanılğan ğalimnär, fol'klorçıylar häm törle uqu yortları talipları da barğan. Bu xaqta Bäläbäy rayonı häm şähäre xakimiäte başlığı urınbasarı Dilbär Fäüxetdinova menä nilär äytte:

“Ğilmi-ğamäli konferensiä bik eçtälekle bulmaqçı. Anda küp törle qızıqlı dokladlar bula. Miftaxetdin Aqmullanıñ tuuına 175 yıl tuluğa ğalimnär qızıqlı ezlänüläre belän urtaqlaşa. Şulay uq Miftaxetin Aqmullanıñ yubileyına häm Başqortstannıñ Rus däwlätenä quşıluına 450 yıl tuluğa bağışlanğan inşalar bäygesenä yomğaqlar yasalaçaq häm ciñüçelärne büläkläw tantanası da ütäçäk”.

Başqortstannıñ Bäläbäy şähäre häm rayonı xakimiäte başlığı urınbasarı Dilbär Fäüxetdinova äytüençä, Bäläbäy töbägendä Miftaxetdin Aqmullağa bağışlanğan ğilmi-ğamäli konferensiä üz eşen şimbä könne dä däwam itäçäk. Ä kürenekle mäğrifätçeneñ yubiley uñayınnan töp bäyräm çaraları dekaber ayında Miäkä rayonında oyıştırıla.

Fänis Fätxi, Ufa

XS
SM
MD
LG