Saddamğa birelgän ülem qararına dönyada zur reaksiä tudırdı. Quşma Ştatlar häm Britaniä mäxkämä qararına xuplaw belderde. Aq yortnıñ süzçese Tony Snow “bügen Ğıraq keşeläre öçen yaxşı kön” dide. Britaniä tışqı eşlär sekretare Margaret Beckett, bügen Saddam häm anıñ eşnälären xökem itü qararına xuplaw belderde. İran tışqı eşlär ministrlığı wäkile Mohammad Ali Hosseyni, ale xökem qararı iğlan itelgänçe ük, ülem qararı Saddamğa birelgä tieşle cazanıñ iñ keçkenäse, dip äytkän ide. Läkin Fransiä, İtaliä häm İspaniä, ülem cazasın birügä prinsipta qarşı buluın belderde. Xalıqara xoquq yaqlaw oyışmaları da, asıp üterü qararın tänqitläp çıqtı. Londonda urnaşqan Ammnesty İnternational oyışması wäkile mäxkämä ğadelsez buldı dide. BMOnıñ keşe xoquqları wäkile Louise Arbour, Qıraqnı ülem cazasına maratoriy iğlan itärgä çaqırdı.
